https://martinoei.com/?p=9756IT Mission 喺啲選舉通函度加料玩 tracking，本來已經好膠，但更膠嘅事，堅係陸續有嚟。喺讀者提醒，我自己睇完後，發現果條link原來係某間公司嘅mailing list管理系統，但成個系統果啲mailing list包羅萬有，係狗屎垃圾都有，不過，好多睇落同選舉無關咁囉。

我相信 IT Mission 呢班茂利，應該喺向選舉管理委員會攞光碟果陣，有簽一份叫使用投票人資料承諾書嘅文件，文件有以下呢段

IT Mission
IT Mission


會盡我所能防止投票人及獲授權代表的個人資料包括電郵地址遭洩露給未獲授權人士,以及 如在不慎洩露了投票人及獲授權代表的個人資料的情況下,會防止第三者濫用有關資料,包 括但不限於通知第三者他們正持有用作編製投票人登記冊的個人資料,並要求對方立即刪除 有關資料

仲有


任何人士如為與 2016 年選舉委員會界別分組一般選舉競選活動有關目的以外的任何目的,將 上述光碟內及/或郵寄標籤上的投票人及獲授權代表資料自行或准許他人以任何形式重現或複 製、自行或准許他人使用、或告知任何其他人,均屬違法,最高可被罰款港幣 5,000 元及監禁 六個月#

亂咁用啲選民資料派膠，係坐都有得你坐，我呢個方丈實向選管會投訴。呢啲粉腸仲夠膽要做代表iT界選委，真係不知所謂到極。