http://nextplus.nextmedia.com/news/spot/20161207/458198鄉事勢力一向被指和黑社會勾結，元朗十八鄉鄉委會主席梁福元，今年九月出席電台節目時大膽直認︰「應該係官商鄉，你話講埋黑都唔緊要，係合作！」的確，新界不少重量級鄉紳，和黑社會關係千絲萬縷。「其實好多鄉紳同江湖人物，都有頻密來往，大家關係很好。例如廈村鄉鄉事委員會主席田雞東，早排就出席紀念14K猛人鬍鬚勇嘅晚宴，而屏山鄉事委員會主席高佬和同八鄉鄉事委員會主席四眼民，經常都會參與江湖人物宴會。」

新界鄉紳指，當地鄉黑難分，很多人都是雙重身份。例如元朗14K話事人四眼細，及勝和太上皇囝囝，就跟不少鄉紳關係良好兼有合作關係，所以一些由鄉紳舉行的盆菜宴，兩人都會俾面出席。

要數鄉黑合作最經典事件，一定是一三年的天水圍論壇事件。前年八月，梁振英到天水圍落區做維穩騷，當日主持論壇的新界社團聯會會長梁志祥，在梁振英落區前兩天吹雞，其親信四眼民及高佬和，動員天水圍北五條屋邨的手下到場「晒馬」。論壇開始後，大批戴上口罩的金毛紋身青年，在論壇場外不斷向反梁示威者挑釁，更多次在警員面前出手打人，無法無天。「嗰班打人嘅金毛仔，擺明係有黑幫背景嘅古惑仔。叫佢哋嚟嘅人係咩背景，大家心中有數啦。」

因為鄉紳和江湖人物關係密切，有人會覺得行政長官選舉，其實只是鄉黑合作選特首，「所以上屆就出現江湖飯局，和勝和猛人上海仔同囝囝，約班選委出嚟食飯傾偈，要佢哋支持梁振英。」