喺娛樂圈做嘢，有冇實力唔緊要，泊到好碼頭自然大把工作，好似喺收錢電視過檔三色台嘅「淋BB」，轉咗會即刻拍劇做主角，就算俾人彈戲屎都劇接劇。

雖然淋BB喺鏡頭前扮到好惹人憐愛，但對住啲工作人員就好擺款，佢試過宣傳活動時遲咗成粒鐘都若無其事，對人咁差梗係有「回報」啦，話說有次新劇拜神，佢塊面化妝化到一撻撻都冇人提佢，直至影咗一輪相先有人提吓佢，佢仲賴人哋化到佢咁嘅樣，最後執過個妝再影過。