https://martinoei.com/?p=9453港專 畢業禮遇上學生反對人大釋法， 港專 個校長陳卓禧好明顯又係果啲唔讀中共歷史嘅半桶水擦鞋仔，咁講喎：

「


當你遇到戰亂、當你遇到自然災害，邊個去救助你哋！

」

如果 港專 學生係呢度嘅讀者，會毫不猶疑咁答：英國！

正所謂有圖有真相，除咗311大地震，英國安排國泰包機撤BC同BNO外，今年4月16日熊本地震，都係英國安排BNO撤到東京，成棚特區護照持有人，叫天不應，叫地不聞。
所以我都幾懷疑，呢個叫陳卓禧嘅 港專 校長，事實上係英國MI6啲人嚟，因為依家香港人嘅常識係，一提到戰亂、自然災害會救助香港人嘅國家，係叫英國，唔係搵個人大常委亂咁釋法嘅中華人民共和國。呢啲嘢，一Google下就知，都唔駛我多講。

好心中共，唔好再話「黨」嘅恩情有幾大，事實上，中華人民共和國呢個國家，只不過係一個賊佬集團，有乜大事就讓領導先走，小民話之知。 陳卓禧 下次擦共鏟黨啲人鞋前，記得熟讀一下歷史，依家俾我呢啲反中亂港分子揭出契丹嘅傷疤，有幾無謂。