為阻止青年新政游蕙禎和梁頌恆再宣誓就職立法會議員，人大委員長張德江未待本港法院宣判，主動提出人大釋法，被指向法院施壓，遭不少人強烈質疑。有讀者向《蘋果》報料指，香港專業進修學校馬鞍山分校下午舉行畢業禮，有畢業生分別趁奏國歌及上台鞠躬時舉牌，抗議人大粗暴釋法，破壞香港法治，獲現場不少人歡呼支持，惟遭校長斥責是「侮辱國歌」，對方更反問若外遊時遇戰亂天災，「邊個去救助你哋？」台下亦有觀禮的家長不滿示威學生，高呼「支持人大釋法」。

港專校長陳卓禧致辭時，自言在港英殖民時期出生和長大，自細經歷帝國主義的欺壓，「會畀鬼仔（外國人）蝦、畀人打，我哋係冇聲出㗎，直到我哋嘅國歌奏起、我哋五星旗升起」，我國才逐步擺脫「被欺凌、被屈辱」的日子，怒斥有畢業生「喺奏國歌嘅時候！做出呢啲咁嘅行為！我係感到痛心！感到難過！」
陳反問學生外遊時，「當你遇到戰亂、當你遇到自然災害，邊個去救助你哋？」稱全世界沒一個國家像中國般，「可以派出一班又一班嘅民航機，去到戰亂嘅地方，去拯救我哋嘅僑民！」又指中國更派戰艦到戰亂地方，冒生命危險撤僑。
他直言「甚至連日本都派唔出！佢要借助我哋嘅民航機、借助我哋嘅戰艦幫佢哋撤僑！當你哋舉起你哋嘅標語，去侮辱國歌嘅時候！有冇諗起呢啲嘢？到時你去問邊個求救？」 http://hk.apple.nextmedia.com/realtime/news/20161126/55968842