海關沒收咗一批由高雄經香港到新加坡嘅裝甲車，如果無估錯，應該係新加坡武裝部隊裝甲車 AV-81 。

梁振英亂咁表忠，已經係為全世界造成極大困擾。如果香港沒收新加坡果批 AV-81 ，我敢肯定結果係契丹同新加坡關係會大受影響，想宣戰就玩吧。
新加坡同台灣合作嘅星光計劃（由台灣陸軍代新加坡訓練軍人，包括大批NS Men），契丹知道，無理由就扣押戰車，隻眼開隻眼閉大家好。更何況 AV-81 係新加坡出口嘅主力車種，亦好大機會有唔少NATO提供嘅技術，畢竟新加坡係星馬英澳紐五國聯防成員。就算近年新加坡陸軍有喺契丹進行訓練，以新加坡以北約標準為主嘅兵制，係無可能同契丹解放軍果啲非驢非馬唔知乜銜接，呢個係大家清楚。如果香港交批戰車俾契丹，十成有九會有人偷技術，新加坡唔同你死過就奇。

呢件事唔係你梁振英一條仆街玩得起，由得新加坡戰車繼續取道香港就算，大家都會好做人。依家新加坡仲會玩政治平衡，某程度扮吓親中，如果呢次做得太絕，我覺得無幾個人同你玩得過去，特別Trump外交方向係極鷹派果陣，新加坡無嘢驚契丹。
https://martinoei.com/?p=9424