美少女戰士出Condom

日本經典動漫作品《美少女戰士》係廣大觀眾嘅童年回憶，日本厚生勞動噚日卻宣佈，將由美少女戰士來擔任預防性病嘅全新代言人，當局更開記者會，公開宣傳海報，甚至會推出6萬個印有Sailor Moon圖案嘅心型包裝安全套，呢個消息震驚大批網友及掀起討論，有人認為《美少女戰士》主角月野兔始終係中學生，推廣防止性病似乎唔太適合，不過講到底，搵美少女戰士宣傳防性病的確帶來宣傳之效。

由於日本感染梅毒個案每年都有上升趨勢，所以厚生勞動省為進一步宣傳性病防止意識，並減緩女性性病患者增加，因而選擇用女性鍾情嘅美少女戰士作為代言人，發言人表示：「美少女戰士是年輕女性兒時偶像，所以希望借助這個力量，有助減低患性病局面。」得到《美少女戰士》作者武內直子同意，更為今次宣傳廣告設計海報，呼籲大眾能主動接受檢查，多為自己健康著想，又希望動漫迷能夠理解今次嘅正面訊息。