「覆核王」郭卓堅今自行入稟，針對立法會主席梁君彥、經民聯工程界立法會議員盧偉國、新民黨葉劉淑儀申請司法覆核。其中郭卓堅在申請書指梁君彥在9月26日才放棄英國國籍，但根據中華人民共和國國籍法不承認雙重國籍，而他若要恢復中國籍則須中國公安部審批，故認為梁君彥為「無國籍人士」，要求法庭禁制無國籍的梁出任立法會主席。

郭卓堅在庭外表示，今次入稟的目的，是希望內地跟隨中英聯合聲明的承諾，實行三權分立。他表示有人入稟針對非建制派議員，「你搬龍門，我又搬龍門」，「我唔信高院會選擇性執法、針對性執法，人大再釋法，建制派唔算，除非佢講呢句啦，如果唔係，我唔知佢點收科。大家唔玩，俾返三權分立，法庭唔可以管立法會嘅事。」
他又指，鄧小平提出港人治港，高度自治，「其實鄧小平先係第一個搞港獨的人，因為他是領袖就沒事，但我哋講的咁多都唔得」，他又指，如果法庭在劉小麗的司法覆核案中裁定釋法有追溯權，他會追查有否其他前朝高官宣誓時不真誠。「我哋大家要堅持，爭取到幾多就幾多，雖然再多十年左右乜都冇，但我哋都有做過，我哋都可以話俾啲細路聽，我曾經做過但唔成功。」
郭卓堅於申請書中，亦指盧偉國入籍英國時宣誓效忠英國；葉劉淑儀在英治時為入境處處長宣誓效忠英女皇，若釋法有追溯權，二人違反釋法內容，二人在立法會的宣誓不真誠，法庭應取消二人的議員資格。 http://hk.apple.nextmedia.com/realtime/news/20161121/55945442