https://martinoei.com/?p=9392喺黃之鋒幫香港爭取《香港人權及自由法》返嚟之際，游蕙禎去信英國政府，要求英國政府就《 中英聯合聲明 》一事，展開國際法程序一事。工黨影子外相 Catherine West 即時入一條國會written question，要求英國政府回應。Catherine West未有就朱凱迪親赴英國質問梁君彥國籍問題一事應機，反而即刻回應咗游蕙禎嘅來函，即時入written question，證明對工黨嚟講，《 中英聯合聲明 》走數，就肯定係問題，所以二話不說即出一條written question，反之，梁君彥問題佢地認為未夠大鑊，所以直至現時為止未有任何回應。呢一次，外交上輕重之分，係學習嘅一課。

無論黃之鋒，定游蕙禎，佢地已經分別喺美、英兩國開展外交嘅戰場。所以我寄望喺年青一代，而且仲喺自決派，同埋獨派身上。因為講做外交工作，泛民同熱普城都係倒米嘅。啲人話去信英國無用，睇你點寫，同熟唔熟英國法律同歷史。

後話：其實有唔少人都睇到，游蕙禎嘅信，同以往香港政客去信英國最唔同係，呢封信某程度上係1688年英國光榮革命不朽之七人嘅翻版，1688年，七位英國國會議員公然勾結外國勢力，邀請喺荷蘭嘅威廉王子入侵，擊退James II，威廉三世及後接受《權利法案》，國會無上至此確定。