家長用高壓打罵方式管教或對子女影響深遠。香港教育大學一項研究發現，家長越感焦慮，仔女便越容易有社交、學習和自律問題。現年約24歲的阿詩，自7歲的小學歲月開始，便在母親的「讀唔到大學就會死」、爸爸動輒便打砸東西的「白色恐怖」下成長，直至今日仍未向爸媽說過一件心事。阿詩在band 1中學成績本不過不失，但因公開試前確診抑鬱症，最後成績大倒退，更令她多年來一直自責，「我又唔可以同佢哋講到我有辛苦，所以8歲就立心要儲錢搬出去住」，即使現時情緒病已康復，離家之心從沒改變。

「我讀小學嗰陣，屋企度廁所門就突然加裝咗張摺枱，有好多次要溫默書，我突然急(大便)，呀媽就係客廳讀句子，要我坐喺廁所默書。」阿詩背向鏡頭說。她表示，這種情況直至中三後才停止，不過母親對於成績和大學學位的渴求，卻是無止境地在她的腦海縈繞。「佢唔係每次都講『要入到大學』，但我感覺到佢每次講成績，其實就係想講『我讀唔到大學我就會死』」。
自中三後，溫習至凌晨已非新鮮事，阿詩亦養成依賴咖啡因的惡習，結果有一段時間，每3日只能睡到10小時。「加上我爸爸同媽媽成日都會嗌交，爸爸唔憤氣就會搵嘢掟，之後就會叫我出嚟鬧，我畀佢鬧完，我匿埋房喊，到第二朝再喊過」。阿詩經常精神緊張和焦慮，在社工要求下終向精神科醫生求醫，及後在2010年公開試開考前約4個月，確診輕度抑鬱症。
「呢件事係會令我考試失手，不過我一直都覺得，咁多問題其實都係我一個人嘅責任。」父母對她患病的消息不以為然，最後考試失手也恍似只能默然接受，不過三人的關係從沒改善過，「反正我由8歲就諗住要搬出去住」。
她說，公開試後至今一直在職場「浮游」，5年轉6次工，原因不外乎是她的抑鬱症。「我試過一份工，有得升職，但係我升咗，反而仲驚、仲易失眠，過咗一排就辭工」。
幸好，年多前阿詩的抑鬱症終獲治癒，但談到與家人的隔膜，她只說「其實如果佢哋唔係咁樣對我，我好可能真係會讀到大學」。她希望家長即使對子女有要求，也應給予空間他們自行去達成目標，強加限制或肆意鞭策只會適得其反。 http://hk.apple.nextmedia.com/realtime/news/20161120/55943266