http://hk.apple.nextmedia.com/enews/realtime/20161117/55929770ViuTV節目《跟住矛盾去旅行》第一季播出以嚟夠晒gimmick，收視不錯，今年8月香港大學民意研究計劃公佈2016年第二季（4-6月）電視節目欣賞指數調查結果，《矛盾》高踞第二位，難怪未播完已經決定添食，搵嚟嘅嘉賓仲走出香港，

分別有前學運領袖王丹及前港大學生會會長馮敬恩、本民前嘅梁天琦vs鄉事派侯志強、前人民力量主席袁彌明vs勇於就兩岸政治議題表態的雞排妹，就咁睇呢三對組合都夠晒好睇，夠晒「惹火」！
點知就真係「火」得滯，早前王丹同馮敬恩去日本拍攝節目後，突然遭ViuTV指二人舉行記招「宣揚港獨」，借機宣佈抽起不播，更釀成一場「公關災難」，ViuTV形象雖損，但仍毋改抽起之決定。
豈料昨日突然傳出ViuTV不止抽起馮敬恩、王丹一集，而是整輯《矛盾2》抽起！而節目監製吳繼業今日接受《蘋果》電話訪問時承認，節目原定下月播出：「係有咁打算，但我哋節目成日都會調動，會因應情況，唔係一定must。」
係咪抽起停播？吳繼業搬出語言偽術﹕「唔可以咁講，留啲空間，研究處理中，睇吓用咩呈現方式，暫時未有任何決定。」
是否因為之前《矛盾2》王丹及馮敬恩事件，加上另一集嘉賓梁天琦等本土派人士太敏感？吳繼業稱﹕「我唔方便再講咁多。」他稱需要向嘉賓交代，咁點「交代」？「都係同一個講法，係『處理中』，可能唔可以咁快見到，係有少少抱歉，但一定會處理得好好。」
已經完成同雞排妹去英國及法國嘅拍攝部分嘅袁彌明，接受本報訪問時亦稱：「都了解咗，不過佢哋俾唔到好實嘅答案，本身諗住係今年年尾出，但係佢哋話延遲就一定，冇講確實嘅日子。」袁彌明直言覺得好失望：「因為真係花咗好時間去拍，內容係好好睇，拍嗰陣都好多笑料，可能佢哋覺得王丹嗰單嘢，其實對觀眾嚟講係冇乜所謂，有好嘅節目，咪為佢個台挽救聲譽，佢哋將最好睇嘅節目抽咗。」