唔少立法會補選戰爭，我都有份參與戰略合理性設計。而呢次游蕙禎、梁頌恆被DQ，好明顯好離譜，但補選兩手準備都係重要。依家黃毓民唔會參與補選，咁我可以放心，提出九龍西補選戰略合理性人選： 鄺葆賢 醫生（九龍城區議員黃埔西區區議員）。點解係 鄺葆賢 ，其實唔難理解：

1. 民協出戰，無論係馮檢基定譚國僑，市民都唔會接受，原本游蕙禎嘅票，投俾黃毓民嘅票，投俾毛孟靜嘅票，甚至劉小麗嘅票，都唔會投俾民協，咪玩。

2. 鄺葆賢 同時受獨派、本土派同泛民接受

3. 鄺葆賢 過去一年喺黃埔西選區嘅表現令人受落

基於呢個基本戰略計算，如果無其他DQ案件發生， 鄺葆賢 與是但一件土共對戰，單議席單票制下勝算最大。所以時代呼喚 鄺葆賢 ，相信大部分人，都會希望她去出戰。但如果劉小麗都同時被DQ（呢個法律風險係存在，我同意張達明嘅分析），咁樣我認為自決派需要多一位出戰，最怕政府狗到劉小麗同游蕙禎議席一併處理，因為土共好大機會喺比例代表制下賺多一席。梁振英係冚家鏟，係人所共知嘅事實。

新界東應該出邊個，我開放討論。
https://martinoei.com/?p=9317