一名北區網吧老闆結業，險被下手中國租客彈弓手而白蝕裝修，幸得一眾網友相助，成功於一日內清拆所有裝修，並成功報復。

事緣今日凌晨，一名於北區經營網吧的老闆宣布結業，下一手租客的中國新移民、髮廊老闆，於10日前(11月4日)與網吧老闆商討，以3萬元作為保留裝修的酬金，並指11月13日付款，一直堅持交場先找數；不料到13日晚，髮廊老闆竟然拒絕付款，當面話「一個仙都唔會俾，有本事就拆哂佢」，懷疑是企圖令網吧老闆難以短時間內拆走原有裝修，交收後可以順便接收。

網吧老闆指「我樓上，佢樓下，見面十年八年....佢一個唔該租左我個鋪，我都唔怪佢」，卻遭到對方如此對待，一氣之下，於網上開post，一眾網友紛紛聲援，不但提供意見如何請拆，又出謀獻策，留下手尾，更有人親身前往幫忙；就連業主亦都同意網吧老闆做法：「同業主傾左，拆到點都得，因為佢租俾我既時候間鋪都係乜七都冇既.....」


網吧老闆在該post下留言：「本來好來好去......一家便宜兩家著，我留返3部2匹分體 1部3匹分體，一部窗口機俾佢，三相電箱俾埋佢.......連櫃台都話留俾佢....我真心估唔到佢伏我囉，最尾一日先話唔俾錢....」、「30個電位.....400蚊個都12000啦，電箱重做17000......做電都最少29000.....」、「重有樣仆街野，佢重狂叫我拆招牌先好走。我答佢業主都冇出聲，你都係二房東分租，我點解要聽你講呢？」，又慨嘆「D新香港人真係帶埋國內既習性黎香港」。

直至今日下午4時51分為止，網吧老闆已經將基本裝修拆去。


http://www.passiontimes.hk/article/11-14-2016/33856