http://hk.apple.nextmedia.com/realtime/news/20161113/55910234「去英國，係出席百貨公司嘅酒會，短留香港幾日，又要去美國」。易緯集團主席李偉生說。儼如名店御用室內設計顧問，高峰期一年飛54次。旗下客戶由Gucci、Cartier到GRAFF，粒粒皆星。香港零售業吹淡風，他的戰場卻在世界，最近，他越洋為位於倫敦騎士橋旁的英國百年老店Harrods大裝修，加造正門及更換電梯。有誰想到，英國頂級老牌百貨公司的裝潢和陳設，竟出自只有28個員工的香港中小企，出自港產設計師的手筆？　

記者：呂麗嬋
「好多品牌，都係自己叩門入嚟搵我幫手」。架着粗框眼鏡的李偉生，自信爆棚。今年9月上市即登「認購王」第二位，這個早走進國際的港產設計師，見證廣東道由彌敦道伸延，到成為旅發局推介的國際名店街，是香港第一代名店高級「裝修佬」，包辦設計師、工程師及製造商工作。走進他位於鰂魚涌的辦公室，看到倫敦Harrods全新電梯模型，還有刻上Cartier字樣、手工精緻的銀鏡，一應俱全。
「連最細微嘅嘢都考慮埋，呢啲位最窩心」。下雨天，店舖都放個膠筒在門口，讓客人入店前放下雨傘，負責店舖裝修設計的他，就自動波找人訂製刻上卡地亞標誌的金屬遮筒。香港室內全面禁煙，煙灰缸無用武之力，但最多煙民顧客的大陸分店，卻常備同樣刻上名牌寶號的煙灰缸。大至室內佈局、用料，小至讓客人簽賬單的托簿，全部度身訂造，尊貴的購物體驗，就是講究奢侈的感覺。李強調由概念到落實，國際品牌的設計，涉不同單位參與，是名符其實的team work。
「呢類大品牌，全球各地都會開分店，呢度個市場唔得，就轉去第二度」。要避險，走出香港，世界原來好大。他說高端零售行業03年在美國起飛，然後吹到日韓；07年之後，是催生最多「大款」的中國。「最高峰時，喺大陸一個月開五間」。與名店合作，是不少設計師的夢想，但名店名氣大，規矩也多，工程前需簽保密協議，就是接受訪問，他也只能以字母為代號，未允披露品牌名稱，讓記者摸籐索瓜自己猜。
「開拓呢個市場，要花多好多倍力，依家你叩足四度門，可能都無人會理你」。難度高，一旦收成，自然甘美。92年自加拿大回流香港發展，首份工作負責設計Microsoft位於時代廣場的辦公室。「90年代香港經濟轉型，零售業開始蓬勃，以前啲名牌專櫃，多數設於大型百貨公司入面，呢段時間紛紛獨立開店」。看準時機，李偉生辭職自立門戶，涉足小眾市場。「亞洲面孔同歐洲人傾生意，喺當年叫幾罕有，一個人拖住個喼，就飛去米蘭」。勝在年輕，加上自信，行出事業重要一步。
營造奢華消費環境，李偉生擅長將天馬行空的抽象概念，變為可摸可見的現實，他說祖父輩的一盤生意，功不可沒。「學design嘅人天馬行空，點樣落實意念最弱，我Daddy開雲石廠，細細個就接觸生產，呢個backgound，對我影響好大」。五兄弟姐妹，作為家中獨子，開明的父親沒叫他子承父業，反而鼓勵他外闖。愛嘗新的他，上海勞力士腕錶博物館那個經典的錶框入口，還有名店VIP開幕日的煙火效果，早超越室內設計範圍。
今日的廣東道，是國際名店街，那萬呎的Gucci旗艦店，當年便由他主理，統籌裝修設計，引入亞洲特色，打破傳統歐洲名店「又黑又暗」設計。「我話中國人買嘢，最唔鍾意就係黑猛猛」。由室內顏色到光線，翻天改變；又改室內結構，打造4米濶的樓梯。「十幾年前，攞住個名店紙袋行出街，係件好威嘅事」。由長樓梯拾級而下，就如接受嘉冕的香港小姐。曾幾何時，Miss Hong Kong，是小女孩的現實童話，是一代人的繁華夢。
只是，近年本港零售業吹淡風，唇亡齒寒，他承認中港兩地業務亦放緩，「搬舖多過開新舖」，但他不特別擔心。「好多品牌有200、300 年歷史，早喺香港未開埠已經有，呢啲風浪一定可以經過」。自99年，在全球67個城市完成725個項目，因工作遊走大世界，他說難能可貴。「工程前都要先去當地考察，我哋叫拜土地，好似喺中東開珠寶店，枱上都有指南針，因為到時到候要向北方朝拜，呢樣嘢，你唔係參與工程，去旅行都未必會留意。」他笑說。