中國桌球近年成績一流，丁俊暉有幾勁唔使再多介紹，連梁文博都喺重要大賽開齋攞冠軍，認真可喜可賀！球員醒，原來裁判仲勁，我就未見過好似呂萌希子咁正嘅裁判喇！呢位喺2013年，正式成為中國國家級裁判嘅27歲索女，着衫一向勁疏爽，周時勁晒自己重量級上圍，最近佢同姊妹去浸溫泉，當然唔會放過騷哥利嘅機會，相中希子BB難得以四眼素顏Look出鏡，堅別有一番風味。

因為有樣有身材，希子BB讀大學時已經做緊平面Model同內衣模特兒，而佢對桌球好有興趣，高中時已經學做裁判，之後一級級咁升，3年前由國家一級裁判，升到最高級別嘅國家級裁判，認真叻女。2年前佢為北京全國中式桌球團體錦標賽主持比賽，以超低胸裝上陣，全國桌球Fans睇到眼都凸埋，封佢做「人間胸器」，之後佢有份嘅比賽，都以「最美女裁判」做招徠。

希子BB人氣不嬲勁，喺微博有超過40萬粉絲，最近佢就發布溫泉靚相，梗係有嘢睇啦，唔少巴打都覺得佢素顏四眼Look好Cutie，正宗係童顏巨乳！

東網體育同你追實體壇每個精彩時刻！　

http://bit.ly/2ecTF2A　

來源 source: http://hk.on.cc

+++++++++++++++++++++++++++++++++++++++++++++++++++++++++++++++++

幾大喎