http://nextplus.nextmedia.com/news/latest/20161010/437090今日重陽節，不少孝子賢孫上山拜祭。現時骨灰龕位有價有市，寶福山能炒至過百萬，根據行內人士黎先生指，現時市面出現另類投資，就是炒賣骨灰龕的龕花博一鋪。事關香港部份私人龕場，可能好快會搏到政府發牌。



「西林寺、道福山，一個龕位依家要十幾萬至四十幾萬。現時大部分龕場都無正式牌，下年三、四月政府會出牌，若果成功拎牌就可以升一倍價。呢兩個場有消防牌等等文件，批做正式嘅話機會率高，好多行內人士都有買。但炒龕花係有風險的，一嚟唔一定拎到牌，二嚟你要有相熟經紀幫你放先得。賣唔出?錢就壓咗係度。」他提醒寶福山有正式牌照，才能愈炒愈勁。而且買龕不如買樓一樣，會有租金收入，升值是博龕場能夠取得牌照。另外買賣龕位沒有監管，黎先生指買入龕位不需佣金，賣出要與經紀協議佣金，由五千元至賣價的一成亦有，屬海鮮價。