http://hk.apple.nextmedia.com/nextplus/時事要聞/article/20161009/2_436710_0/唔趕iphone炒家-麵粉伯伯被食環逼走-7000貨或報銷銅鑼灣最熱鬧的百德新街，近月的風景悄悄地起了改變。在街頭擺地攤賣自家製麵粉公仔近二十年的陳伯，自七月中已沒再擺檔。記者擔心患癌的陳伯身體抱恙，致電探望，才揭露他懷疑被食環署逼走的故事。

陳伯以往每星期最少有兩、三晚在百德新街賣麵粉公仔，街坊和「蒲開」銅鑼灣的後生仔都一定對他有印象。近年因患上膀胱癌，要坐在輪椅上擺賣，受到網民關注。本刊曾於今年三月訪問過陳伯。當時他指，患上重病仍堅持到銅鑼灣，是因為這個繁華都市的活力：「睇人行來行去就開心，有生意又好，冇生意我都坐喺度。我鍾意出來睇世界。」

原本以為可以安安穩穩一路做「麵粉伯伯」，但兩個月前卻突然起了變化。陳太指，當日她如常幫陳伯推貨到恆隆中心外擺檔，但不消一會，就有食環署職員上前：「趕佢走，叫佢唔好再喺度擺，會影響車通過。佢(食環署職員) 講得比較誇張，話有貨車司機投訴，總之好多人投訴。」唯有立刻收拾貨品。

原本以為只是食環署間中「整頓市容」的動作，所以第二日他們重回百德新街，豈料又遇上食環署驅趕。陳太憶述：「前後趕過三、四次。最後一次，我又推佢過去，食環署差唔多廿幾人喺度。全部對準他，我問：『點解唔對準第二個？』」食環署職員更向陳太表示，再擺檔就會控告她：「要告我虐待病人，喺嗰度非法經營。我話你有沒有搞錯！阿伯一向都喺嗰度。」

陳太坦言，因為這個「警告」，令她不願再幫陳伯推貨去銅鑼灣：「我同阿伯講，我拜佛人，唔想同政府一直嗌。算啦，你喺嗰度又賺唔到幾多錢。」但固執的陳伯不願屈服：「佢話唔係要搵幾多錢，我喺嗰度開心嘛。咁係真嘅，好彩係嗰度救佢一命。如果冇繼續(賣)，唔使半年，就冇得挽回。」

陳伯指，自從無法擺檔，就沒有再搓麵粉公仔，每晚在床上望住上格床，惦記著未賣的貨：「瞓覺時，眼都打開，瞓都瞓唔著。」精神和身體因此愈來愈差。為了去「睇世界」，陳伯更試過暪著陳太，自己偷偷拿了幾隻麵粉公仔去擺檔，但將貨放在地上後又冇力撐起身，要途人攙扶才能重新坐上輪椅。後來親戚路經銅鑼灣見到陳伯，通知陳太才知道，接他回家。

陳伯家中現在積存了大約價值七千元的貨品無法賣出，包括叮噹毛公仔、玩具電單車和啤牌等，而部份麵粉公仔早前已捐給東華三院義賣。陳太表示，現在已經不寄望能重新開檔，只望有有心人能幫手收購存貨，讓陳伯不用再日思夜想。

撰文：關冠麒
攝錄：李育明