春秋時代有個人叫夏征舒。佢老竇叫御叔，好早就死咗，但係佢老母夏姬嘅青春猶存，結果搞到當時陳國三巨頭，即係陳國嘅君主陳靈公，同算係陳國重臣嘅兩個公卿級的人物--儀行父和孔寧都睇上佢個老母，先後去呢個寡婦屋企，入佢間房搵佢出牆，而夏姬呢就一律來者不拒，而三個男人就樂於做朋友開心share，甚至激到約埋一齊玩3P、4P都唔成問題。

於是他們呢三個咸濕佬就成日去夏姬屋企搵佢開檯，呀唔係，係開房先啱。晚上圍威喂去夏姬屋企，日頭在上朝嗰陣，每個人手裡邊都帶著夏姬私贈的內衣，還拿著相互炫耀，有時仲變態到著埋喺官服出面，慌死人唔知自己食到好嘢咁款。

當然夏征舒就唔係唔知佢老母同呢三條友搞埋晒呢味咁嘅嘢，只過，鬼叫陳靈公係佢老細，儀行父同孔寧係老細嘅心腹咩！就算明知老母比佢哋日屌夜屌，明知自己日日比人喺背後笑佢做契仔，又可以點？

但係當時唔係成個陳國都係咁，有個叫泄冶嘅道德撚曾經喺朝堂度企出來指責呢三隻嘢，於是陳國三巨頭就合力搞掂咗泄冶--「解決咗提出問題嘅人，就等於解決問題」嘅典故，就出於此。

三巨頭搞掂咗道德撚，見契仔又唔出聲，他們就變本加厲玩大佢，日日去夏姬間房度過夜之餘，仲搞到連朝都唔上，於是啲朝堂大夫都頂佢哋唔順周圍搵人呻，呻吓呻吓就呻到成個陳國都知夏姬同埋呢三條有異性冇人性嘅茂里，日日拎夏姬間房做主場玩4P，玩到全國嘅人都喺夏征舒背後笑佢做三姓契仔，作埋首株林周圍唱佢老母，夏征舒佢真係慘過幾百年後嘅呂布比人叫佢做三姓家奴呀陰功。

當然，人嘅容忍係有限度嘅，咁有一次，三巨頭又嚟到夏家喝酒。咁當然啦，醉翁之意就不在酒啦，於是酒過三巡之後，呢班冇酒品嘅仆街就當始酒後吐真言嘞。陳靈公指著夏征舒，同佢嗰兩個好朋友講：「你哋睇，他生得幾似你哋兩個。」他好朋友當然係儀行父和孔寧啦，那二條友呢都唔執輸喎，反過來說：「我們睇佢生得似你多啲喎？」
他們呢三條友平時仲已經喺夏征舒背後周圍唱，有時直頭喺朝堂上公然咁講，好喇夏征舒佢為咗搵食，佢忍，但係而家嗰三條仆街踩上門喺佢屋企，當住其他下人面前當佢無到咁，喺佢主場咁樣玩佢，佢呢下仲忍嘅話佢都對唔住佢嗰個姓夏嘅死鬼老竇，於是佢呢一刻，佢爆喇！因為：

忍無可忍，就無須再忍！

俗語話打鐵趁熱，喺這場宴會結束嘅時候，夏征舒就已經有所行動，就喺三巨頭飲飽食醉，一齊攬頭攬頸諗住搵夏姬，行到夏姬間房嘅門口嗰陣，突然發現，喺夏姬房門口等佢哋三個嘅唔係平時嗰個女人，而係一個男人！而呢個男人就係夏征舒！！

原來夏征舒已經攞定傢餐強等著佢哋！三巨頭未嚟得切反應，夏征舒就開始開餐！

夏征舒先射一箭，一下就將陳靈公個要害射中， 陳靈公當場就死咗。孔寧和儀行父見到自己大佬比個男人射死咗，唔只酒都醒咗，直頭鳩都縮埋，即刻掉頭走。夏征舒欲再來一發時，已經連人影都沒隻了。

夏征舒誅殺咗呢個無道昏君後，居然一不做二不休地繼位稱君！反正成個陳國都話佢係陳靈公契仔啦，搞到佢冚家剷食埋佢全家又有乜所謂？

事後夏征舒誅陳侯嘅消息傳到去楚國，楚莊王馬上派兵進攻陳國，這就是後話了。