http://hk.apple.nextmedia.com/realtime/finance/20161002/55723215特首梁振英日日開口埋口講創新科技，但就連自己一個小小facebook帳戶未都管得掂，今次就連link都唔識貼。CY今日打算係facebook分享一條政府宣傳短片，點知link都唔識貼。

資訊科技界候任立法會議員莫乃光笑佢「這個post好垃圾，一個video乜形容都無都算了，到而家仲未識喺FB post video都算了，點解要用條咁嘅link? 驚死人唔知香港政府用 Cloudflare, 仲幫人賣埋廣告？」
事隔已經8個鐘，梁特facebook仍然未搞掂條片，記者一禁入去唔單止冇片睇，重要down個file，唔知重以為特首「播毒」，打開先知原來係一條介紹政府啟德工貿大廈嘅環保設計。
莫乃光重要用hashtag串梁特「#幾百萬請條友連喺FB上載個video都唔識」同埋「#不過Cloudflare都係揀去新加坡開office」。
據了解，梁振英fb實際管理員，就是日薪逾萬元、曾自喻「白宮發言人」的馮煒光。馮煒光於2013年12月16日上任，今年將約滿，若可續約，2016/17年度連同約滿酬金就有383萬元，較特首辦主任邱騰華同年度嘅薪酬360萬元還要多。2014/15年度馮煒光嘅年薪為274萬元。
五十四歲的馮煒光自2013年就任新聞統籌專員後，製造一個接一個的「公關災難」。日薪近一萬元，但屢次被網友捉到在辦公時間玩個人facebook。前年雨傘運動期間，誤用港視劇照當警察受傷照片，呢單笑話更加成功登上美國《時代週刊》。去年又被揭發以「讀者」身份上傳自己拍攝梁振英接收請願信的短片，到梁粉地頭「港人講地」，被網民狂轟。
馮煒光管理下的梁振英Facebook更係醜態百出。今年初，被揭發梁振英facebook秘交女優朋友，特首辦發聲明話被黑客入侵，後來有網友用截圖力證689自去年11月已加入數個艷女，馮卻死雞撐飯蓋，話有人改圖抹黑。後來，689 Facebook又被發現自己做埋「支持梁振英!」群組的管理員，其後竟然在群組留言要求將自己移除，唔識主動退group，負責管理面書的馮生被網民揶揄「每日出一次醜」。