http://hk.apple.nextmedia.com/realtime/news/20160919/55662413特首梁振英及教育局多次重申校園港獨無討論空間，中學生自發在各校成立的本土關注組迄今卻累積至40間，包括觀塘傳統左校福建中學。該校關注組成員阿鋒（化名）直言，香港二次前途問題逼近，他作為年輕一代「唔想食花生」，決心喚醒同學關注，但為免成員身份曝光，組織只能地下運作，擬在校內廁所或學生儲物櫃偷放單張或貼紙作宣傳。記者：葉偉東

「福建中學本土關注組」成員阿鋒向《蘋果》透露，組織現有五名成員，仍處於招募階段。由於校方立場親中，不少同學擔憂身份曝光而被針對，「好似我有個差唔多理念嘅朋友，都唔敢參與關注組活動，怕畀老師發現，連like（專頁）都唔敢」；鋒坦言成員須冒一定風險，若被指在校內「搞事」，「會畀老師監視，會多咗老師想捉你出嚟照肺」。
地下關注組將秘密行動，「如果去到一個無辦法公開派傳單嘅情況，我哋會秘密宣傳理念，可能喺廁所貼貼紙，亦有諗過放學後喺無閉路影到嘅情況下擺單張、貼紙落其他同學locker」，惟最終形式視乎關注組人數而定，活動仍在策劃階段。
除了慎防校方發現，阿鋒指成員也向父母三緘其口，「始終成年人生活穩定，有工作、家庭、有樓有車，佢哋唔會支持」。他出席關注組會議，甚至接受《蘋果》訪問，都以溫書、補習等藉口隱瞞父母，「好孤單，有啲孤軍作戰」。但鋒以廿三條立法、國民教育為例，指二次前途等政治議題對年輕一代影響甚大，「呢條路係我哋呢個世代一定要跨過，我哋唔想要一個咁嘅社會，就要用自己嘅力去改變」。就讀高中的他表明「唔想自己係食花生嘅一群」，望以行動喚醒同學思考港獨、歸英、修改《基本法》等不同方案。
提到二次前途，鋒個人支持港獨，「我覺得係一個理想，十年前有冇人估到佔中、魚蛋革命？未來係充滿不確定性，學生亦都係未來嘅主人翁，我哋終有一日都會長大成人，終有一日立身」。他冀有共同志向的中學生，將來在各行各業推動港獨，「咁只要（關注組）啟蒙到一個學生，佢都會宣揚（港獨）開去，呢個力量，係不容睇小」。政府不受民意制約，鋒呼籲大眾勿再政治冷感，「（如果）覺得政治唔關你事，最尾只會傷及你自己」。