http://90sfoto.com/wp-content/uploads/2016/09/DSC_0041.jpghttp://90sfoto.com/咩叫本土（1）－－香港重光/「英魂不朽，浩氣長存」 對我嚟講，重光紀念日既意義並非在英國重新接管香港，而係提醒我必須守衛香港。六月既時候睇左鄺智文先生所寫既《孤獨前哨－－太平洋戰爭中的香港戰役》，睇完其實好感動。書入面未必好詳細咁 逐個逐個軍隊寫佢地喺保衛戰既時候分別做咗咩，但例如見到加拿大兵喺盟軍估算錯誤下淪為砲灰，又或者係香港華人自己組成義勇軍出戰，死後分分鐘墓碑上無名字，提醒咗我一樣野－－當一班對香港完全冇感情，又或者唔視香港為「根」既人，佢地都願意為香港而奮戰至死。而我聲稱自己係一個「香港人」、「本土撚」，他日香港有咩事，絕不能輕易退縮做懦夫，喺我戰死前亦必須奮戰到底。同時，為咗感謝佢地因為保衛香港而負上生命，我決定每年既重光紀念日，都會去親自拜祭佢地。 重光日為1945年8月30日，重光紀念日為8月最尾既星期六（以及接住既星期一），香港人必須好好記住呢兩個日子。 Salute to all who have sacrificed for Hong Kong. We will remember them.