http://hk.apple.nextmedia.com/realtime/news/20160908/55619469選舉過往嘅投票分析一個接一個，但除咗當選嘅一班新貴，部份落選者嘅選票分析，都好有意思！好似喺新東排喺工黨張超雄名單第二位嘅郭永健咁吖，佢對國師陳雲嘅得票，相當注意，可能都想知道呢位城邦派學者，喺邊一區最受歡迎。
睇返吖，國師喺新東攞到近2.4萬票，以4.1%得票率排13，無緣入局但唔洗被沒收選舉按金。郭永健發現，國師其中一個票站得票率遠超平均，就係喺和合石村公所嘅票站嘞！呢24票、達7.57%嘅得票率，旋即惹嚟網民熱論，大家一致話喎，國師作法成功嘞！乜嘢意思？大家點會唔知？
喺尚德社區會堂，國師得票率都有5.97%；年初新東補選顯示，尚德係本土派大本營，國師喺呢個「尚武區」得票高過平均，其實都唔多令人意外嘅。