http://hk.apple.nextmedia.com/realtime/news/20160908/55616175《am730》繼續刊出前特首曾蔭權專訪，提到港獨思潮時，指自己有些個人看法，但不成熟，他無具體說明想法，僅說：「有啲嘢係真嘅呢，你點消滅都消滅唔到嘅；有啲嘢係假嘅、係虛浮嘅呢，你唔使做咩佢都會自動消滅。」又舉例如二千多年前基督教滋長，猶太教長老指不用理會，邪教會自動消滅，「如果真係真理嘅時候，你撳都撳佢唔住，佢自己走出嚟，所以咁嘅態度睇，放懷啲睇呢個問題」。
提及社會上的極端言論，曾蔭權認為這是社會目前面對的挑戰，認為交流溝通有助香港發展，但坦言有時溝通都不容易，要有客觀條件及環境，「你就算溝通都好，冇一個好極端嘅人倡扯(拉埋)中間派拉去極端位置時，比較容易傾啲，但當社會出現好極端言論，不理係左、係右、係對內、對外，一『掹』開時，政治中立同中間位置一路扯開，一扯開時溝通上愈嚟愈困難，我諗我哋依家社會面對嘅挑戰就喺呢度」。
他認為香港是聰明人，會做好選擇，「唔好批評佢話會走去某個位置，如果(去到)某個位置發覺對長遠利益唔得好時，佢自己會走番返個位置，我諗最緊要係，任何人都要對呢個土地啲人，不止要投入去，要相信佢，一定會做番好。」