http://hk.apple.nextmedia.com/realtime/breaking/20160904/55598528民建聯立法會港島區直選候選人鍾樹根的妻子，今晨以「掌心雷」的方式，誘導長者投票，支持民建聯及工聯會的候選團隊。下午2時許，鍾樹根現身漁灣邨辦事處，他「霸氣」撐寫「掌心雷」，反問記者：「有邊條法例唔得啫？」他更聲言是長者要求競選團隊在掌心寫字，否認此舉不妥或不公平。他更公開「挑戰」不滿的街坊，若想投訴「咪報警囉！」

記者最初追問鍾樹根時，面有慍色的他說：「記者我都唔得閒應酬你，我有嘢做。」其後他停下回應事件。記者引述街坊指，質疑鍾妻「掌心雷」的做法不公平。鍾樹根則反問記者：「點會唔公平啫，我畀張紙你公唔公平？畀張單張你公唔公平?」
他多次強調，是應長者要求寫數字，更着記者自己向該些長者查證，「可能係輔助記憶囉！總之我哋無主動，係應人所求，法例亦無話唔容許。寫落去有咩唔妥？有冇咩唔妥吖？」記者再問競選團隊會否續為長者寫「掌心雷」，鍾樹根直言：「如果有人要求，都會係咁做。」他又聲言，若有街坊有不滿，可以報警。