http://hk.apple.nextmedia.com/realtime/news/20160904/55599413社總在今屆選舉派出監察隊到私營安老院集中的地區，監察有否安老院操控長者投票的情況。其中一名義工就親自「放蛇」進入順恩護老中心，發現有一班對選舉情況不太知情的長者在門口等待被安排前往投票。
放蛇片段可以聽到在場職員表示「呢兩個醒喎，呢個可以去（投票）喎」，然後就有職員手持模擬選票，以廣東話或普通話教長者投票予10號（民建聯蔣麗芸）及802號（民建聯李慧琼）；又向長者派發提示卡，「你袋住，唔使攞出嚟，你落到去唔記得就攞出嚟望下囉」。
其中一名婆婆在輪椅上被推著出發之前，自稱院長的女士再次以普通話指示她，「10號跟802，兩個號，一張一個號。給你一個印，你蓋了以後丟進箱裡面，他（票站工作人員）會跟你講」，之後又再多次提醒投票號碼。
《蘋果》記者之後再到順恩護老中心查詢，該名自稱院長的女士直認教長者投票，「係呀係呀我犯法呀，出去告我呀！你出去呀！」，之後就將《蘋果》和同行的港台記者拉出門口，又用手按記者鏡頭；記者欲阻止時，該名院長就大呼「我就係咁粗魯！就係唔俾你入嚟！點呀？」《蘋果》的攝影記者在推撞中腳部受傷。