【獨家有片】梁齊昕醉到行唔到迷失巴士總站

齊昕步履不穩，要唐貝詩扶住。（採訪、攝影：卓寶花、沈健程、黃曉程、羅德光）

http://video.appledaily.com.hk/mcp/encode/2016/09/03/3149865/20160902_RTent_16_w.mp4

最近接受周刊訪問，直認正服用抗抑鬱藥三個月致水腫的梁齊昕，噚晚化身Wonder Woman到中環出席黃浩44歲生日派對。約十時四十分左右，梁齊昕同唐貝詩準備離開。只見足踏高踭鞋嘅佢明顯步履不穩，要唐貝詩沿路扶住。到達樓下準備打俾司機來接，此時梁齊昕忽然拎起本來整喺唐詩詠頭頂嘅太陽眼鏡戴上，又展示自己最心愛嘅clutch bag話:「呢個係我最鍾意嘅clutch。」但唔知梁齊昕是否唔熟路定係真係有點醉，候車期間誤闖樓下交易廣場嘅巴士總站，之後先至去番正確地點等司機。司機落車準備開門俾梁齊昕，點知梁實在太nice，捉住司機，V晒手話:「佢想上Apple呀!」一齊影合照。係喇，就係上次送佢去紅館睇城城演唱會嗰個司機哥哥呀。然後出車返禮賓府喇。