2016立法會選舉已經去到越嚟越黐線地步，《成報》日日爆seed開炮狂轟香港政府已經唔夠juicy，今日彭博社引述網絡保安專家報導， 中國黑客 APT3竟然用釣魚電郵攻擊香港政府兩個部門。而香港政府，亦竟然證實呢件事。

乜唔係張曉明為首嘅統監府（中聯辦）已經控制咗香港政府電腦系統，點解中國政府請嘅 中國黑客 竟然要攻香港政府主機，而香港政府亦承認 中國黑客 攻擊過自己嘅機，咁事實上，香港係咪已經變成半獨立狀態，甚至根本已經內戰？

如果北京要香港內部資料，以梁振英出賣香港人嘅性格，一定會俾北京，相信香港嘅入境部門，已經喺呢個狀態。但北京要出動 中國黑客 ，仲要頂級，即係國安部門或解放軍人員，換言之，香港好大機會依家已經被張曉明同梁振英挾持，全港市民變晒呢兩條友嘅人質，如果中紀委對佢地調查結果不利，有機會一鑊熟，所以習近平要搞到出怪招嚟攞香港政府資料。

呢單嘢證實咗中國接近內戰邊緣，而且戰場好可能就係廣東同香港，仲要呢個仆街政府係綁匪嚟，呢次真大鑊。
https://martinoei.com/?p=7698