https://martinoei.com/?p=7659江習大戰大家都知係一鑊泡，只不過，江習喺香港嘅大混戰，似乎不單預示契丹瓦解係由權鬥引起，而且契丹瓦解後等住嚟，好大機會係一場極度血腥嘅 內戰 。雖然中共權鬥唔係新聞，但攞住份報紙，點名某個官署大搞《炮打司令部》個案唔多，對上一次玩到《炮打司令部》咁玩果個叫毛澤東，但當時毛澤東實際已經掌握咗軍隊，亦有群眾支持，所以毛澤東寫完《炮打司令部》就任佢玩，最終引起引發咗極度血腥嘅武鬥潮，幾乎係一場小型無人性 內戰 。

但依家《成報》咁玩嘅時空背景係乜，就係深圳市公安局有佢發通緝令，谷卓恆照常出入中國，甚至做佢嘅上市公司主席，而依家軍權，雖然好多喺習系度，但江系亦保留一定軍隊實力，而依家香港最有實力嘅政治實體，仍然係統監府（中聯辦），換言之，依家不單係江習兩系攤牌，而且攤牌嘅程度幾乎預演 內戰 。如果契丹照呢條路咁走，大打出手係肯定，爭在幾時出現全契丹大攤牌。

大家食花生食得好過癮？如果我係香港人，唔係食花生，同埋信啲永續基本法嘅神棍，尋求西方國家保護，係依家要做好嘅計劃。