https://martinoei.com/?p=7549
年年選舉，都有土共出動 掌心雷 ，或未經登記選舉廣告，但一直以嚟，由於土共陣營相當團結一致，所以傳媒要攞到 掌心雷 嘅證據，都唔係咁容易。

只不過，今年有比較確實嘅 掌心雷 證據。根據有讀者提供嘅資料，香港南安公會向會員寄咗啲咁嘅嘢。
呢啲一睇就知係選舉廣告，或者準確啲講，根本係 掌心雷 。南安公會嘅郵費，印刷費，固然係選舉開支，而且好有可能涉及賄選，我想問點解今年統監府做得咁明張目膽，係咪當香港法律已經死咗。所以我依家個Server擺喺美國，費時俾統監府班友搞物理破壞。

南安公會擺明係統監府嘅爪牙組織，可以見到統監府依家幾無法無天。所以今年選舉需要極大量群眾去監票，甚至有人要由佈置票站開始監察，費時有人一早靜雞雞倒啲假票入去。

香港真係越嚟越黑暗，唔怪得我連續幾日都要出調查報導，啲衰嘢查極都有，沒完沒了，香港真係遲早唔駛住人。