立法會選舉——監票經驗所談（監察投票代理人篇）：

（0）（後補既，一開始唔記得講，自柒）記得帶齊文件，姐係身份證、你張保密聲明（搵律師或者去民政處宣誓果張），代理人既牌都要帶，不過聽聞票站會有後備的（唔敢包，我次次帶齊的，未試過）；

（1）千萬千萬，唔好亂咁周圍走周圍掂野，票站一開，你就會有個限制區，通常係登記處後面兩三步既地方，會有椅比你坐，你可以企，但唔好行入投票區（登記處、投票間同埋票箱附近為大禁區）。你做錯一步，而票站主任覺得你影響投票過程就趕得你走，柒左無人救到你；

（1.5）對應以上情況，但你又想睇下周圍有無問題，最好既方法係：票站未開之前，你報到後就行一個圈（當然要講聲比票站主任知），睇下角落位有無問題，然後自己小心遠距離睇下有無咩可疑野出現，叫票站主任搞掂；

（2）唔好單單留係票站內，你其實可以問定票站主任，出入票站應該點行（避免路過投票間/票箱，以免引人懷疑），之後得閒無事就出去行下，睇下有無人係禁止拉票區拉票（上屆計，某傳統建制大黨好興咁做的…），或者睇下有無可疑既票站調查，你有權要求票站主任即時處理；

（3）留意下有無d睇落個樣好疑惑既老人家，可能係一車一車運泥既掌心雷。另外留意下有無d由其他人帶泥既老人家，理由同上；

（4）明文話唔可以用手機，實際你就問下票站主任（老實講，連票站既公務員自己都會暗地用既時候，你就只要唔係擺到明用既，通常都可以過關）；但記住，選民嚴禁使用，所以見到有好型（柒）棍（頭）既mk囝囡/中坑etc.（非針對，但上屆經驗，的確泥兩個群組最常係票站用電話，中坑講電話，mk玩自照……），唔洗比面，票站主任喇；

（5）味L遲到，味能遲到，味X遲到，很重要所以講三次。監投票唔同監點票，監點既遲左，仲或者有個監投既幫你頂住。監投票既人遲到，睇唔到封箱，到時你個站無喇喇多兩箱預先票你都唔知，咁就柒碌喇！（選舉條例會同你講，封票箱一刻如無監投票既在場簽名封箱，就由警察或者民安隊既人監察並簽封，CAS就算，黑警呢？你信得過佢地咩？）。BTW，封箱程序姐係每一個票箱使用前，都一定要由票站主任同埋監察投票代理人（或CAS或黑警，如果監票人不在…）共同檢查並用鎖頭鎖上，之後所有人都要簽名係一張紙上面，註明封箱時間。果張紙會用繩綁係鎖頭上，繩上再貼膠紙。作用係for點票前檢查，證明果個箱係真既票箱；

（6）自己計數，大約計下咩時間去食飯/放風。我明大家都係人，人要食飯，煙民都要食飯（利申：我都係…），無理由要你餓住監票，所以睇住咩時間最少人，或者剛換新票箱之後，就好去放飯喇，愈夜只會愈精彩，到時水你都未必得閒飲（大票站）；

（7）打關係。無錯。票站既公務員，都係打工仔，你對佢好，佢對你好，大家方便。所以唔理你有幾討厭公務員，果一刻唔好講，否則到你要搵佢地，你一定會「叫天不應，叫地不聞」。記住，監票係監票，目標為本！