https://www.facebook.com/KowloonEastCommunity/videos/1172393246161047/?hc_ref=NEWSFEED

仲有唔夠兩個星期就係立法會選舉投票日，今次我哋投嘅票除咗係選出議員之外，每張選票其實都代表緊我哋對香港未來嘅想法。

一直以嚟，傳統政黨總會話「投我哋啦，唔係呀邊個邊個就會奸計得逞／成功連任／失去關鍵否決權」云云。

含淚投票，或者你認為都係一種策略，有時候係逼不得已嘅，但係我哋覺得，一場選舉嘅格局理應更高。

抗衡赤化、守住議會，喺現時香港嘅政治氛圍之下已經唔再足夠，我哋更希望將香港前途問題帶到社區，放入社會嘅討論議程。

9月4日，無論你最後選擇投邊個都好，我哋都希望你出嚟表態。

條路自己揀，投票唔洗喊。