加速

有容回家後一直心中忐忑不安
她感覺到自己開始慢慢喜歡上一心
然而,她不清楚對方的心意
這就是懷春少女的情懷...

但這天之後,
一心在班上還是一貫冷漠的樣子
而有容因為自己不懂得處理,
所以她也沒有主動和一心聊天.

隔了一個多星期
有容抵受不了,她決定--主動出擊
放學後,有容借故推卻了所有約會

有容:一心同學,你今日放學得唔得閒呀?

一心:有事嗎

有容點點頭:我物理科有?唔識...你可唔可以教下我

一心:你點解唔問Miss

有容沉思一會:聽日小測啦...宜家先搵Miss可能會比佢話...

一心露出溫柔的笑容:明白!我地一齊去圖書館溫書啦

(註:一心是班中的優異生,幾乎每科都名列前茅)


經過一心教導,

有容成功成為是次死亡小測中的幸存者

但更重要的是...她已經找到與一心建立關係的渠道

----------------------------------------------------

一個月後,踏入了秋高氣爽的時節,

也是班會旅行的時候...

這次的目的地是赤柱(因為富豪家長反對去人品複雜的地方)

有容一早就與幼羚二人成伴,但一心總是孤獨一方,所以她想招攬一心同伴

在有容與幼羚登上旅遊車時,車上已經沒有二連座.

但是,一心旁邊的座位是空的.

有容邊嘆可惜,心中暗喜...

誰不知幼羚箭步如飛似坐在一心旁邊 ,有容只好走到另一個座位.

有容眼看幼羚與一心言談甚歡,心中既羨且妒,她也不知道二人素有交情....

下車後,幼羚建議三人一起同行,

這原本是有容的計劃,但是由幼羚提出,感覺似有不對勁...

活潑的幼羚拉著二人東奔西跑,到處拍照,互相戲弄一番

平時冷冰冰的一心也被她逗得一笑

幼羚更拖著一心手臂到處走,儼如一雙情侶

有容終於發現...令她不舒服的是...幼羚可能是她的情敵!!!


有容想到這裡,就心神彷彿

"有容!"幼羚一下拍打在有容肩頭.

有容:好痛呀!做乜?

幼羚:我地三個合照一張啦

幼羚手執相機,典型香港女孩天生有的自拍技能發動了!

有容發現一心幾乎與自己面貼面,呼吸開始急促了...

幼羚:一...二...

"停手!!!" 又是遠方傳來的聲音...

英秀狗衝過來阻止

英秀指著一心:你係咪想乘機抽水?做乜貼到咁埋?

一心紅著面搖頭說不

英秀:我知你d窮等人家成日想"嫁"入豪門痴金糠啦,好似果d陳咩聰朗拿度以為痴埋蒞就有得分咁...

一心憤怒地說:我係窮,但我冇話要痴金糠,我冇諗住同有容開始呀!!!!...

有容聽到後,淚如雨下,轉身跑去...

一心知道自己失言了,幼羚教訓二人後追上有容...

----------------------------------------------------------------

有容心慌意亂起來...
她一直跑,她不知道一心是否沒有喜歡自己...

有容坐在椅上沉思著...
幼羚追上了,她拍一拍肩頭

幼羚:你無事嘛?

有容搖著頭...

幼羚鼓起勇氣問:你..係咪都中意一心

有容冷不防這一問,不知如何是好,但是幼羚用了"都"字,即是...

幼羚似乎讀穿有容心聲:冇錯,我係中意一心!!由佢第一日入蒞我就俾佢吸引o左...

有容眼神開始緊張,因為她不知道如何應對,她不想姊妹反目

幼羚:你都中意一心架?做咩唔敢認?

有容微微點頭默認

幼羚自信地說:咁我地要公平競爭過,我唔會放軟手腳架,你都要鼓起勇氣認真同我鬥...知唔知?

幼羚轉身,頭也不回就走去.有容被幼羚之霸氣所震攝 ,跟著幼羚回去...

唔好意思
呢排有d事出得比較慢

考完試個刻諗過幫香城班仆街寫篇故

估唔到真係有人咁做

查實因為小弟懶改霸氣名先用

經過這件事後,有容刻意地回避一心

每次一心傳短訊問有容會否一起去圖書館溫習,都被有容藉詞婉拒了...

這一天,有容推卻所有約會,獨自在課室內溫習溫至晚上七時

她離開時,有人喊著她的名字.一心在這裡等待多時.

一心對著有點驚訝的有容說:有容...你最近點解要避開我?

有容搖頭否認.有容:夜啦...我要走先啦...

一心一手拉著有容,緊緊的攬著有容.

雖然看不到一心的面容,但有容感受到一心在流淚.

一心擦一擦眼淚,他望著有容美麗的臉龐.

一心:唔好對我咁冷漠..我...我其實好中意你...

有容被一心的突然表白嚇得既驚且喜,但想到幼羚又知如何是好...

一心追問:你都中意我..係咪?

有容無法再抗拒...點點頭

二人在昏暗的走廊接起吻來

有容與一心在校內刻意玩地下情

但是顯然紙包不住火...

家寶:有容..有容..你幾時先得閒同我地去shopping?

念慈:係咪直接問一心重好

有容面紅著:關一心咩事?

家寶:我前日見到你地係圖書館拖住手咁行..走果時重要French kiss

有容:邊係french kiss呀?

家寶:即係認有拖手有咀有拖拍啦

有容害羞地承認...

此時,幼羚面色一皺,有容也看到.她也急急轉話題


小息時,有容拉幼羚到牆角

有容:我同一心既事..你唔介意嘛??

幼羚搖搖頭道:我冇事呀...係估唔到你咁快手啫...如果你要補償既,請我食十杯Ben and Jerry

有容見幼羚重拾活潑,她也放下心頭大石.

--------------------------------------------------------------


放學後,英秀約一心秘密會面.英秀帶著一心到一個會所.

這是一個活動室.

英秀:你,出爾反爾,轉頭就走去追有容.

一心:如果係為左呢件事,咁我同你道歉.但我唔會放棄有容.

英秀:好.我唔係叫你放棄佢.

一心:咁你叫我蒞做乜

英秀邊除著衫邊說:呢度係我今日book左,平時係用蒞比人練太極,泰拳,空手道,台拳道,今日,我要打低你係度!贏左就有權追有容.

一心:雖然唔知你講乜,但我即係要同你打返場啦!

(註:英秀父親自小培育英秀的格鬥訓練,以令他有抵抗綁匪的能力,如今英秀是台拳道黑帶)

英秀一開始採取主動,他一腳踢向一心.
一心及時用雙手擋格,然後後退.
因為英秀的腿法練習多時,目前估計可能一腳可能有2-300磅重,如果被擊中,一心會即時暈到.

於是,一心放低雙手.英秀心有疑惑,以為一心要投降,也放下防備.
誰不知一心突然衝前,英秀來不及閃避,要與一心近戰肉搏.
因為幾乎是攬在一起,英秀無法提腳進擊.
一心施展連環拳攻擊英秀腰間,如果在拳擊比賽,評判可能會將二人分開.
但是這裡,是沒有規則的.二人只有硬食對方的拳.

英秀倒下了...但是他雙手拉著一心的衣服,右腳用力一踢.
這是柔道的動作. 一心被撻至一丈遠.
幸好,地上有軟毯,沒有因而喪命.

英秀:估唔到你都幾有腦...但係你都係要輸!

一心不服氣,他調整過後,又再次進攻...
一次又一次的失敗...一心已經攰得站不起來...

英秀:你投降啦...再打都唔會夠我打...

一心:我可能唔夠你打...但我一定比你更愛有容...

英秀好像被一心點醒了...與此同時,有容衝了入來...

有容:你地係咪痴線架...打到咁傷...

一心:我..重要..繼續..

有容不允許,她扶著一心準備離開...

英秀眼泛淚光:一心,我輸左俾你啦....


有容帶著一心離開,並且送他回家.因為要照顧一心,有容九點才離開一心家...

司機牛哥:小姐,你對剛才個男仔係咪認真

有容:當然...

牛哥皺一皺眉道:但係Chris少爺方面...

有容知道牛哥意思,她說:我會再想辦法...