相信今日傍晚至而家，都有好多朋友同賴叔一樣，揼春 (okay 我知女人冇⋯⋯) ，文雅啲係恨鐵不成鋼。 本土新聞Local Press 報道 青年新政 - Youngspiration 邀得台灣時代力量成員來港為青政站台，誰不知時代力量轉頭就澄清並無此事。

本土新聞聲譽受損，青年新政發言人 黃俊傑 Kenny Wong 居然仲要接受立場新聞訪問，話本土新聞報道有誤。

Come on Kenny ， you don't bite the hand that feed (help) you 。如果事件滯留喺網上本土政治青圈子，最多都係原本獨派/熱普城人士會跟得貼。你去埋泛民大本營立場新聞都講，同天真嬌生活照流出高登有乜分別？

賴叔唔似得各位前線義工或競選團成員，日曬雨淋喺街拉票。但連續三晚撰文，嘗試將獨派嘅 audience 由前述政治青圈子，推而廣之到泛民老巢，動搖泛民年輕選民支持，真正「做大個餅」去令獨派同熱普城爭取雙贏，你今日同我倒米？

青年新政先天不足，好多人都知。大家碌爆人情卡、透支自己信譽都要用自己名義去為青攻拉票，係因為抱存希望。當然，如果事實證明我哋嘅年輕人都不過僅此而已，呢個係我城嘅共業，所有更有才幹能力嘅人都唔願意企出嚟， fair enough 。

事到如今，除咗要求青年新政交人，黃俊傑你諗方法澄清好、道歉好甚至用自己方式退選好，做好 damage control ，已經係餘下要做嘅事。青年新政發言人呢個位，可唔可以搵返個正常人嚟做？？？


https://www.facebook.com/shuklaiview/photos/a.557880967700709.1073741829.539577152864424/702999496522188/?type=3&theater;