近日教育局話教員不應在學校鼓吹港獨思想，其實教育局根本唔駛擔心，根本99.9999%教師校長都唔會咁做。

香港的教師校長最緊張有無得出糧，有無得去旅行。他們對於不合理的教育政策，例如教改，國民教育，普教中，TSA等等都十分被動，尤其是上年紀的教師校長，根本就只係打份工，個人來講無原則無理想，隨波逐流，為五斗米折腰。更甚的是，他們認為自己很正義，道德很高尚，其實只是個懦夫，得把口。

我記得有一次和一個退休老師親友傾談，他其實都係個好老師，而且都算係關心社會，不過只係口頭關心，無任何行動，我講了一些話令他很激氣:

我 : 香港的老師都係打份工，對於社會公義，只講不做。
他: 我地教師都好關心社會的。
我: 但係你地乜都唔做，例如反國民教育，反普教中，竟然是一班未成年的中學生去推動，在街頭派單張等等，本應你地成年人做的，但你們教師校長甚麼都不做。你地唔覺得好醜咩?
他(表現好激動，因篤中死穴)。
我: 不過都可以理解的，都是打份工，如果有行動，分分鐘無左份工。
另一親友: 都係嘅(細細聲)。
他(無聲出)。

所以教育局根本唔駛擔心教師校長會推動港獨或散佈港獨思想，就算有，都只係0.0001%，炒左呢D小數教師就得，而且當學校炒這些老師時，其他教員都唔會支援他們的，都會粒聲唔出。因為我的老師親友有個舊同事就係因為普通話不達標，所以無左份中文教師的工作，不過無人會為她發聲。