一國兩制嘅經濟「賞味期限」：2017年6月30日。

簡單講，而家所有樓宇按揭最長只可以做30年，但如果2017年7月後銀行承按，就會觸及2047年嘅「大限」。銀行佬係最現實嘅，30年後仲係咪「一國兩制」還是「一國一制」都冇人知，噉你話佢哋會唔會批足？

短期內樓市仍然大把資金托市，未必產生骨牌效應，但30、29、28年按揭限期慢慢縮減，用家市場反應會點樣，承接力會點樣，其實唔難想像。

對於呢個問題，香港人大概分為：諗到又有能力嘅其實已經甩身（資產轉移兼且有外國護照）；諗到但冇能力嘅只可以坐以待斃；但可能更多人應該係唔肯面對或一味樂觀地諗「橋到船頭自然直」。

利申「並無持有此物業及其相關利益」嘅「無業遊民」可能冇乜所謂，但全香港120萬位自住私人業主係咪又唔介意睇住自己層樓慢慢貶值先？還是真係唔見棺材唔流眼淚？樓市會跌又係咪唔會牽連其他經濟市場？

「賞味期限」過咗嘅食物，其實都食得嘅，不過會慢慢變壞囉。

可能我過份悲觀，我危言聳聽，但層樓係你嘅，啲錢係你嘅，噉你唔想理，懶得理，我又真係控制唔到嘅。
‪#‎極度簡化版‬ ‪#‎拾人牙慧‬ ‪#‎非選舉廣告‬ ‪#‎我討厭政治‬ ‪#‎盂蘭節快樂‬











https://www.facebook.com/IDS.CALL4VAN/posts/1108589025895995