由組織本民前到發起光復行動，初一騷亂至2.28新東補選，梁天琦這年來一步一步走得更前，至立法會選舉被迫「行人止步」，25歲的梁天琦無奈稱現已走到人生交叉點：「我人生有兩條路，兩個禮拜前仲係嚟緊四年做一個代議士，或者『唔知道』；依家係政府要我行呢條『唔知道』嘅路。」雖然剛大學畢業便前路茫茫，梁形容今年是人生中精彩的一年，縱被控煽動暴動等罪，仍覺非常值得。

記者陳雪玲、林俊謙
梁天琦昨晚在本民前總部受訪，90後抹不掉的稚氣外，夾雜同齡未見的風霜。梁笑言，一年前沒料到人生變得如此戲劇性：「（生活）好大改變，原來自己突然之間變咗公眾人物……過往我就係我，但依家有啲投射，可能(外界)覺得梁天琦講嘢好叻、識好多嘢、斯文有禮，事實係咪呢？其實我又唔係大家諗到咁完美，都係一個好普通嘅廢青。」
為免影響家人，他近來已甚少回家；不願多談情事的他，與女友拍拖、行街次數亦減少，公眾人物的代價可不菲：「行街拍拖應該係我有嘅權利，但依家拍拖會畀記者跟、影相……變到好似唔做得，都幾麻煩。」

走到抗爭最前線，他坦承要面對家人的壓力，認為父母亦認同其理念，只是不希望站到最前線的，正是自己的兒子。梁強調：「人生始終都係自己嘅，我覺得咁樣最能發揮社會上嘅作用同埋個人能力就去做，而唔係諗太多包袱……如果大半年前我聽屋企人講，唔選新東補選，咁所有嘢都冇發生過。」
梁近來被跟蹤，對方聲稱是「阿爺嘅」；網民關注他會否有天「被失蹤」？梁自言新東補選後已提高警覺，盡量行大街不走小巷。他透露近兩個月，北京地區字頭的電話號碼多次來電，他未有接聽，同時察覺電話被竊聽，「既然自己講到無畏無懼，都冇乜好擔心」，他並笑指以往開街站，不時有市民上前指罵，反而旺角騷亂後情況大減，或因香港人都是欺善怕惡。
港大主修哲學的他，原來過去想過將來可能從商、從政，當教師甚至做記者；由於這兩周事態發展太突然，暫時未知將來之路如何走，但會考慮到海外繼續升學。







http://hk.apple.nextmedia.com/realtime/news/20160809/55477554