http://hk.apple.nextmedia.com/realtime/news/20160805/55460438

香港民族黨今晚8時在添馬公園舉行集會，現時目測至少有3,000人到場聲援，集會人士中不乏今屆立法會選舉有份投票的選民。

21歲的港島區選民兼大專生何先生指，對政府因候選人的政見禁止其參選感到匪事所思，「當所有可以進入建制嘅路都失去時，唯有獨立係可行嘅路。」他指，在港島區暫時未有屬意的候選人，可能會投白票。
同樣是港島區選民的30多歲劉先生指，因梁天琦等人被取消參選資格感到好憤怒，故決定參加集會，「覺得仲可以出聲嘅時候，就要出聲」。他解釋，梁天琦做足選舉主任要求，惟選管會依然憑個人主觀感覺，決定他們不能參選，「完全係不合法，對整個香港係好大破壞」。他稱，暫時未有屬意候選人，會視乎政綱再決定如何投票。
20多歲的新界西選民王小姐因認同陳浩天的主張，響應呼籲參加集會，「想聽吓佢覺得港獨未來條路要點走」。她認為選管會取消陳浩天和梁天琦的參選資格是極之荒謬，「香港人基本權利，竟然變成要政府恩賜，係唔可以接受」。她原計劃投票支持陳浩天，現時會視乎陳浩天說法，再決定如何投票，但指暫不太相信「熱普城」，因為佢地主張永續基本法，我覺得宜家政府連基本法都唔畀你守，你仲永續嚟做乜？」
14歲的李同學直言支持港獨，「一定要同中國分開，佢（政府）唔係為咗香港人，全部都係為咗大陸人，好似資助大陸學生讀大學」。她亦不滿中共干預香港，銅鑼灣書店林榮基及李波等人被失蹤事件令人擔心，「將一個人捉去禁錮幾個月都可以倒番轉頭話佢錯，好唔講道理，好似黑社會咁樣」。15歲的梁同學亦稱支持港獨，「因為中共管治香港嘅手法係好惡劣，好似水貨客、東江水，仲有好多嘢數都數唔晒，唔想再俾中共毒害」。