張家輝、林嘉華同林子博噚晚喺尖沙咀出席「皇家香港警察少年訓練學校建校40周年」晚宴，家輝等一班舊生喺台上領唱學堂校歌，並邀請胡渭康做嘉賓唱《新紮師兄》主題曲《伴我啟航》，現場氣氛高漲。

家輝係該校嘅第17屆畢業生，佢仲專誠打返當年警校校呔現身，仲憶起好多舊事，佢話﹕「曾經喺因為太凍喺巷仔小解，有個着Boot嘅踢我張床，嗰度以前係軍營，可能覺得唔尊重畀少少教訓我。」

有指家輝有意拍《激戰》續集，佢話﹕「或者原班人馬拍另一故事，再操大隻就唔好客氣，今次奉獻到極點，如果要我唧多次肌肉，相信我會告別影壇。今次製造銀壇鐵漢，算係永不磨減。」


林嘉華係第一屆警察少年訓練學校出身。

胡渭康唱《伴我啟航》掀起高潮。

家輝都係警校出身，佢仲特登打返以前條呔嚟。

Salute





http://hk.apple.nextmedia.com/enews/realtime/20130907/51708348