問題係果種老奉既態度, 另外已經唔係含唔含既問題, 所謂含淚投票, 係為「大局」, 咩叫大局? 如果你講大局, 你要說服我地, 就係「最大化唔係建制派既議席」.

家陣唔係話本土派好強, 但係衰極梁天琦係新東都有 66000, 全港有 10%-15% 都唔會係高估, 你地係唔係預期, 上次補選做唔到迫到得返泛民建制兩個選擇, 今次就係超區用個篩選機制實現. 實驗一下, 如果唔投梁天琦, 呢 66000 票係咪就會投晒比你? 你真係當 10%-15% 既選票係隨你點無到?

如果你地堅信呢樣野, 覺得個問題就係在於比我地有選擇, 如果無選擇一定會投你地. 即係如果得民建聯同民主黨兩個選擇, 無第三個選擇, 就一定要投民主黨. 呢種「一係常餐一係快餐」既邏輯, 你係咪硬係要實驗一次, 衰過一次, 先至安樂? 咁我寧願你地快d衰一次啦.

唔衰一次, 你地對選民既幻想係唔會變的. 如果你咁既款都仲話咁樣叫最大化個議席, 你拎個咁個牌面出黎說服我, 你講乜鬼野大局, 你要講大局, 係個五席既選舉度, 10%-15% 選票夠一席啦, 你成席丟落海就係為左迫我地投你, 仲要溝到咁淡? 家陣真係當我地白痴任你舞. 你個心當我地係個數字, 票就老奉要投, 邊個有份入場有份分?

我讚成得你個篩選, 我仲點樣反對特首選舉有篩選呀? 為大局就係唔投你地票, 等你地快d醒, 含淚唔係含淚投你, 我要含淚, 我含淚投廢票先係為大局呀化? 今次再投你, 只會含出一個共識: 係超區咁唔關鍵一席都接受到篩選咯, 你地自己都將用篩選排除異己同競爭者呢件事得咁開心, 特首都無所謂啦.
你自己咪選委會囉.











https://www.facebook.com/cheng.lap.9/posts/10154272900592357?pnref=story