荷蘭海牙常設法院昨日公佈由菲律賓提出嘅南海仲裁結果。法院認為，中國沒有證據顯示中國曾控制南海嘅海域或資源，故中方喺九段線內資源歷史性權利上，並無法律基礎。（新聞連結： http://bit.ly/29BpvSZ ）


就係咁，玻璃心碎落一地，而中共喉舌《人民日報》嗰張「中國的領土主權和海洋權益，不需要別人仲裁。中國、一點都不能少，一寸都不會讓」地圖，於前晚、即宣佈仲裁結果前夕，已於微博瘋傳，法庭宣判後，更是廣傳。其Hashtag「#中國一點都不能少」。幅圖以紅色去標誌「領土」，加埋五星旗嗰五粒黃星，就連台灣等地嘅地方都被「染紅」。


又是時候，顯示中港台藝人「愛國心」的時候，換言之，貼地圖者就是愛國的，不貼圖就是不愛國。仲想北上賺人仔？大家拎咗手機燈揸住呢張「染紅」地圖自拍未？



有份貼圖的「香港」藝人，包括王祖藍、李亞男、陳法蓉、麥長青、梁小冰等等，以及已以大陸為重點市場嘅劉愷威等等。可是蔡卓妍卻是因為冇貼地圖，而只是貼日常工作相，就俾玻璃心大陸網民怒轟:「這一個挺重要的日子，大家並不是要把愛國掛在樓上，就是喊口號也罷，也是我們在為國加油。總有一些人，享受著國家為他們帶來的福利，同時也在逼逼著，每次這種重大事件發生時，大陸藝人總是勇於轉發的，台灣香港很少有明星轉發的。」未完，有加一句「頭盔Mode」:「沒有人要把綁架，只希望你們帶頭一起為祖國大喊:加油!」



又例如「港台明星幾乎沒有一個積極參與過愛國活動的，並不是我們道德綁架，這也算不上道德指摘，只是說港台人也應該跟大陸人一樣求統一，支持祖國。」類似呢啲「利申」唔係道德綁架但指摘阿Sa冇貼愛國地圖高呼「一點也不能少」嘅批鬥之言，不勝其數。



阿Sa忍咗一晚，今日凌晨十二時，終於要爆了，仲係喺微博爆:「對於評論裡的某些人真的很無語⋯我愛國我要每時無刻的説出來嗎？我每一年捐錢在內地助養小孩建學校有天災的時候去幫忙災區我也必須要跟你們説嗎？每個人都有自己的崗位⋯我們都在努力把自己成為對社會更有貢獻的人！這樣國家才會更好而不是一直只掛在嘴邊！我愛國但就是看不慣這些人！看不慣歡迎取關！」



不過，其實都有唔少大陸網民，特別係阿Sa嘅歌迷，都撐阿Sa，反插嗰班道德塔理班綁架阿Sa，亦有人話對於大陸網民因為藝人唔貼愛國地圖而被批鬥覺得好醜…




是否愛國，原來貼張地圖就係。


人人都貼愛國地圖，但阿Sa只貼工作照。


同埋呢張…結果俾玻璃心網民鬧爆。


外婆剛離世，令阿Sa大受打擊，但仍強撐起來每天如常工作，但如今又要受強國玻璃心網民批鬥，心力交瘁。

http://hk.apple.nextmedia.com/enews/realtime/20160713/55352329


【李克勤撐廣東歌】唔貼南海「保命地圖」 強國網民：笑得好開心，沒人性！

「南海怎麼不發？」
「笑得好開心，沒人性都什麼時候了？」
「請克勤老師發表一下南海問題。」
「香港知名藝人，關注中國南海的消息了嗎？發表一下可好？」
「克勤，這兩天別發博了，要發就發南海，否則會被罵死！」

「I want you 廣東歌，就算會有一點肚餓，唱首廣東歌代表我。」李克勤噚晚只係去咗紅館撐林海峰，撐廣東歌……Sorry，嚴格而言李克勤係去咗聽林海峰嘅棟篤笑，貼咗一張合照，貼上ig同時share上微博，並寫道:「今晚去了撐『廣東歌』!」



第1，喺微博出po話撐廣東歌=不愛國
第2，噚日係南海仲裁之日，李克勤竟然唔貼保命愛國染紅地圖=不愛國
第3，南海仲裁，大陸數以億計子民表示此刻關乎國家興亡，但李克勤卻喺呢個時候貼一張咁開心嘅自拍相=不愛國


愛國毋需理由，
同樣，指摘你不愛國，也不需要理由。
問題係…你想唔想俾人話你愛國/不愛國？
又或者你覺得是否需要「愛國」？


阿Sa蔡卓妍因為冇貼保命地圖而中槍，成龍又中，克勤又中。睇埋啲留言，其實既有趣又可悲。有大陸網民為克勤解畫:「我們當然愛國，李克勤更愛國，你瞭解他嗎，他支持國民教育是你在哪，他演唱《北京‧北角》時你在哪，他被港獨攻擊時你在哪，現在擺出一副道貌岸然的樣子教訓別人，真不知你是愛國還是害國。」



一直都很小心翼翼的李克勤，之前(係2013年)被問到譚詠麟曾表示「一定要有國民教育」而惹來網民抨擊時，克勤都耍手擰頭避談：「我唔知，我不問世事好耐，我唔敢揭報紙、睇電視，因為呢排好忙。」而之前一年，即係2012年，全城藝人，包括李克勤同G.E.M.等，無懼傳聞中聯辦的禁聲指令，齊穿上黑衣響應反國民教育團體發起嘅行動，以行動抗洗腦。

依家睇番，極夢幻。


藝人最新保命護身符








微博留言係咁嘅


ig留言係咁嘅


fb嘅留言係咁嘅…

http://hk.apple.nextmedia.com/enews/realtime/20160713/55352880


【成龍，你唔愛國喇？】貼范冰冰合照唔講南海
大陸網民怒轟：跳樑小丑！


因為冇貼愛國染紅地圖而中槍嘅，除咗有阿Sa蔡卓妍，仲有成龍。

出晒名愛國嘅成龍都中槍？真的。
死因同阿Sa一樣，就係噚日南海仲裁宣佈前後，成龍嘅微博，都冇表態。冇貼染紅愛國地圖，冇好似王祖藍、李亞男等愛國藝人高呼「中國領土一點也不能少」口號，而只係不斷貼佢同范冰冰……yes，係同范冰冰嘅新片《絕地逃亡》宣傳相。人哋范冰冰一早貼咗呢張藝人表態／保命地圖喇！！！






大哥…喺呢個時候，你仲只係顧住宣傳自己新片…


人哋范冰冰一早貼咗喇！！！

大陸網民奉成龍為愛國愛黨人士，豈料成龍大哥在此重要時刻，竟然…竟然一粒字都唔提南海，傷盡國民心。有大陸網民問佢；「大哥，這節骨眼上，過分了。私事再大，在國事面前都是放屁的。」、「南海都保不住了，你還有心思在這裡做跳樑小丑？」「雖然不應該道德綁架你，但個人覺得作為中國人這個時候不去宣傳南海，而是宣傳電影，確實不太合適。所以取消關注你，電影也不會去看。」



情況同阿SA一樣，都有大陸網民為成龍說項解釋，話:「成龍大哥不說，是因為國家給我們足夠的安全感，我們根本不用操心，該幹嘛就幹嘛就好了。」
誰說文革不會陰魂再現？

http://hk.apple.nextmedia.com/enews/realtime/20160713/55352384


【用iPhone講愛國】鍾鎮濤又嚟喇！ 貼染紅地圖 簡體字寫：我愛我國！

出嚟啦！玻璃心！

講緊嘅咪係噚日南海仲裁結果，宣判中國嘅九段線主張不合理。勁多大陸網民即刻上晒水，除咗打晒卡咁轉貼《人民日報》嗰張染紅中國地圖，嘈住話隨時準備開戰、又將個矛頭指咗去美國到，嬲嬲豬嘅網民仲拗斷咗部iPhone表明決心㖭。


噚日冇貼呢張圖嘅香港藝人名人，幾乎每個都中箭，近年經常返大陸開工嘅李克勤同蔡卓妍(阿Sa)，就因為冇貼張護身符，先後俾大陸網民洗版，不過克勤好友阿倫譚詠麟就走得甩，冇受到特別對待。而一向都愛國嘅成龍，都俾網民話佢淨係識貼同范冰冰嘅宣傳相，連成龍都俾人鬧，唔通「中國人是要管的」？





不過咁，有好多人非常自律，自動自覺轉發呢張染紅地圖，好似最近喺大陸好紅嘅王祖藍咁，當然一早就貼咗啦，仲照顧周到轉埋用簡體字留言：「這才是我們的祖國，一點都不能少。」真係好政治正確！但係好快有人突破盲腸，話祖藍同佢老婆李亞男都係用iPhone轉發呢張相‥‥‥







同樣唔小心俾iPhone出賣嘅仲有阿B鍾鎮濤，佢上年中共大閱兵，話睇住個螢幕都感動到喊，咁有熱誠，今次又點少得佢一份？雖然佢到夜晚9點先轉發染紅地圖，留言都係用簡體字：「我愛我國。」仍然得到網民中共式高度讚揚，話佢係真漢子同中華兒女之類，仲有人留言咁講：「關注的中國香港明星們第一個發聲的是您，第二個是張敬軒，特别是張敬軒能說出這樣的話，真的很感動也很欣慰。」，「最喜歡你和陳小春的愛國精神。」陳小春有幾愛國？咪就係大閱兵當日都喺微博敬過禮。




http://hk.apple.nextmedia.com/enews/realtime/20160713/55353425