《十年》喺第35屆香港電影金像獎爆冷獲得「最佳電影」，《十年》仲令香港電影金像獎畀大陸全面封殺，仲喺各大網絡平台禁止直播、轉播o添！

講返《十年》得獎，真係令唔少人跌眼鏡，寰亞老闆林建岳、寰宇老闆林小明同天馬影業老闆黃百鳴等都先行出嚟話不滿呢個結果！點解？無他嘅，因為影響到呢一班嘅得利益者吖嘛！o依家仲要秋後算帳，搞到金像獎開大會提出改制。



以往金像獎嘅評選機制分為第一及第二輪。第一輪由「香港電影金像獎選民」及「第一輪一百人專業評審團」投票選出所有獎項嘅提名名單，而投票比例各佔50%。



而第二輪中，以往係由「第二輪五十五人專業評審團」及金像獎十三個屬會會員，聯同香港作曲家及作詞家協會會員選出得獎者。當中「最佳電影」嘅投票分數，「第二輪五十五人專業評審團」佔55%、金像獎十三個屬會會員及香港作曲家及作詞家協會會員共佔45%；換句話講，「第二輪五十五人專業評審團」係有好大話事權。



現時「第二輪五十五人專業評審團」唔可以用金像獎十三個屬會會員身份投票，亦唔可以參加「第一輪一百人專業評審團」，不過就可以做「香港電影金像獎選民」。



o依家提出嘅改制明顯要取消「第二輪五十五人專業評審團」，改由金像獎十三個屬會會員有百份百話事權，決定將項誰屬。



簡單啲嚟講「最佳電影」現有評選機制如下：
「第二輪五十五人專業評審團」55%　+ 金像獎十三個屬會會員及香港作曲家及作詞家協會會員45% = 100％


建議改制如下：
金像獎十三個屬會會員及香港作曲家及作詞家協會會員 = 100%
「第二輪五十五人專業評審團」被取消

http://hk.apple.nextmedia.com/enews/realtime/20160712/55350709


【金像獎改制】老闆會+影業協會夾擊
4大屬會拍枱唔贊成



老闆會(即香港電影商協會)與香港影業協會聯手，要求金像獎第二輪投票改制，取消第二輪有專業評審部份，改為由13個屬會，一人一票選出最終得獎結果，於是變成同13個屬會會員一樣，只係得1分。


代表製片的香港電影製作行政人員協會田啟文（田雞），就金像獎改制接受《蘋果》電話訪問，稱周六其屬會將開會商討決定是否改制：「我所知提出修例只係由影協提出，唔好拖老闆會落水。19號董事局會開大會投票，睇下新制可唔可以獲得通過。」


有指13個屬會代表開大會時，洪祖星話代表老闆會同影協兩大屬會提出金像獎改制時，表明不應該由專業評審控制最後一輪評選(佔55%)，現場其中4大屬會反應激烈，拍晒枱話唔贊成。對此田啟文稱：「上次開會傾時，攝影、美術、導演同編劇會已經即場反對，當時討論大家冇好激烈，而係好融洽，只係攞件事出嚟討論啫！」


大會規定，只要有董事局成員提出的動議，獲半數(即7票)贊成便可通過，聽講老闆會正私下游說其他屬會支持，好像演藝人協會、製片會都喺度動搖，可能會支持改制。

http://hk.apple.nextmedia.com/enews/realtime/20160712/55350996


【金像獎改制】專業評審黃國兆狂轟：同政府搵自己人入醫委會一樣








資深影評人、導演兼曾擔任第二輪專業評審嘅黃國兆今日接受訪問，回應金像獎改制時話：

「吓，咁都得呀？如果係咁即係金像獎做緊o依家全香港做緊嘅嘢，就係要所有嘢都要喺操控之中，容易操控。嗰55人出面搵，即係好似以前非官守議員，有啲唔同聲音，咁做同政府搵自己人入醫委會咪一樣。評審一定要有客觀同權威性，取消專業評審除咗方便操控結果，冇其他意思。

人哋奧斯卡金像獎畀人話啲評審保守、老，人哋今年都識加返幾百嗰不同人種入去做評審，希望可以增加認受性，o依家香港金像獎調返轉嚟行。」

http://hk.apple.nextmedia.com/enews/realtime/20160712/55351385



【金像獎改制】新制電影公司易操控票數
專業評審斥：因為一套就改？唔合理！



今次老闆會(即林建岳、林小明、黃百鳴等人代表之香港電影商協會)同香港影業協會提出之改制，如前文所述，取消第二輪有專業評審部份，改為由13個屬會，一人一票選出最終得獎結果。換言之，55位專業評審可參加首輪評選，但就不再佔有55%評分，變成同13個屬會會員一樣，一人一票，每人一分。


如果真的落實改制﹛第二輪投選候選名單，13大屬會一人一票選出來，就會出現「圍票」情況，屬會投票意向易受操控，甚至變成電影公司的棋子。


至於專業評審，成員包括業界人士、影評人、出版界及文化界等。一名不願具名，今屆55名專業評審之一，對於金像獎協會董事局改制，不表贊同，他接受《蘋果》電話訪問時說：「唔贊成啦，姑勿論佢嘅新制度係點，係咪公平，依家因為一套就改，唔合理。雖然今時今日金像獎制度未必係最公平，咁你話台灣金馬獎只係幾個評審睇片，又係咪公平？」


「每個遊戲都有佢嘅規則，而由咁多前輩訂立落嚟、經過咁多年建立嘅制度係咪話改就改，理據係咪足夠先？」

http://hk.apple.nextmedia.com/enews/realtime/20160712/55351259


下周二決定 林建岳洪祖星要求 取消金像獎專業評審




《蘋果》致電影協主席洪祖星，他承認確有提出金像獎改制：「《十年》得獎，業內同外界反應好大，覺得呢部戲唔應該得最佳電影，所以我哋嘅影協同老闆會都覺得第二輪評選入面，50位(應為55人)專業評審佔咗55%評分，等於由佢哋控制晒賽果係好唔公道。」


影協同老闆會提出之方案，如下：
1.提議取消第二輪有專業評審部份，改為由13個屬會，一人一票選出最終得獎結果；
2.55位專業評審可參加首輪評選，但就不再佔有55%評分，變成同13個屬會會員一樣，只係得1分。


洪祖星稱，這個新機制「會比較公平」，問他其他屬會反應如何？佢話：「未知㗎！等下周(19日)開大會，大家討論囉！總知影協同老闆會係全部會員成改制，如果到時通過唔到，我哋再諗下點算啦！」


寰宇老闆林小明接受電話訪問時，被問及老闆會是否有提出改制要求？他承認：「係，老闆會由影協做代表，要求金像獎改制。」

http://hk.apple.nextmedia.com/enews/realtime/20160712/55350875


圈子細咗代表更公平？畢明問老闆會：點解之前冇覺得唔公平？



電影《十年》奪得「最佳電影」後，影協提出改制，取消第二輪投票中55位專業評審，畢明作為第二輪評審及影評人，佢回應話﹕「首先我想睇下佢有冇講改制個目的係咩，(目的係想公平啲)，咁我就會問係咪公平咗？因為我自己都有啲屬會嘅，但係相信有好多人唔會有屬會囉，我哋本身個機制就係希望可以做評審嘅人廣泛啲；咁我o依家就咁聽，我就睇唔到佢做到公平啲。」


佢仲反問﹕「同埋點解係今年先覺得唔公平呢？點解之前嗰年佢冇覺得唔公平呢？點解之前咁多屆佢冇覺得唔公平呢？點解《十年》攞咗先唔公平嘅？咁多年(其他電影)攞咗就公平呀？因為《十年》攞咗獎就要改制呀？咁《十年》唔公平喺邊度，佢都可以講下囉我覺得。」


佢再補充話﹕「任何人提出話改制唔緊要嘅，咁佢要講番佢覺得有問題嘅地方喺邊度，佢提出嗰個好咗嘅地方喺邊度。如果我調番轉嚟講，(影協)話容許再多啲人去投票嘅，可能佢話嘅『再公平啲』就會做到，但係我o依家就睇唔到。(改制後好似冇增加人數，反而仲少咗人)即係如果少咗人係公平咗，咁咪即係個圈子再細咗？」

http://hk.apple.nextmedia.com/enews/realtime/20160712/55351467


《十年》得獎 傳爾冬陞「應邀」入中聯辦「解釋」



今年4月4日，《十年》摘最佳電影。負責頒此獎的，是金像獎協會主席爾冬陞。他在宣佈得獎名單前苦笑謂，沒有人願意頒這個獎。又說了一個故事，稱本屆金像獎籌辦過程中，有個年輕編劇曾偷偷問他:「主席，我哋今年嘅稿裡面，可唔可以有《十年》呢個字。」爾冬陞答他:「我同你講，後生仔，羅斯福總統講過，我哋最需要恐懼嘅，係恐懼本身。」


《十年》雖在金像獎只獲最佳電影提名，但2月時傳出廣電總局及中宣部下令各大網站平台禁止直播、轉播金像獎實況，網絡亦廣傳一份廣電總局會議上做的宣傳指示，不炒作港獨題材電影《十年》，內容並提到該電影已提名香港金像獎，所有的電視、網站、廣播要避免出現相關視頻鏡頭。


身為金像獎協會主席的爾冬陞，備受沉重壓力，他於頒獎禮翌日在微博連續發出貼文：「我願意為養育我的電影工業服務，可是如果你們把所有的事情都政治化，那我就没甚麼好留戀了…你們自己玩，我去潛水了！」


雖然如此，但有指爾冬陞於金像獎頒獎禮後，中聯辦已經召了他去「西環」解釋。據知，爾冬陞表明，《十年》於金像獎獲頒最佳電影，是由一個投票機制去決定，不是他一個「主席」可以左右大局，更不是他一個人可以改寫結果。


金像獎是香港電影人的事…好似係…
《十年》監製Andrew Choi接受《蘋果》訪問，談到老闆會聯合香港影協要求金像獎改制，他稱：「沒有什麼特別comment，如果是因為《十年》得奬而改制，我會覺得可惜，金像獎的選舉制度已經用了多年，已經很受尊重，我也認為沒有必要改。」《本地蛋》伍嘉良就稱：「我認為暫時不回應比較合適，謝謝。」

http://hk.apple.nextmedia.com/enews/realtime/20160713/55351528