Alvin Yeung 楊岳橋 supporting 大家做個聰明公民，了解下議會嘅立法程序啦.
2 hrs ·
【Q & Alvin】特急篇｜醫生註冊（修訂）條例草案
Q：點解公民黨會响二讀中止待續議案投贊成，郭榮鏗又投反對？
Alvin：贊成中止待續議案，即係將有爭議嘅議案打回頭畀政府，放到最後去討論，令無爭議嘅議案可以推上嚟順利審議。政府可以用呢個打回頭嘅空間，將大家嘅建議同修訂納入條例草案。
郭榮鏗議員反對中止待續議案嘅理據，响佢發言有清楚解釋。佢認為改革唔止係加人，係要成個制度從根本上去檢討各階段嘅紀律聆訊程序，更要律政司加入，並列明權責分工，不單單係由醫委會主席及副主席用17個月去判斷初步偵訊是否進行。佢支持郭家麒議員提出嘅修正案，但深感改革要更徹底。佢呢個投票取向，係黨同意之下進行。
總之，若郭家麒議員修正案不獲通過，三讀時公民黨將全體反對。
.
.
Q：若無中止待續議案（而家都否決咗啦），點解公民黨打算响二讀投贊成？
Alvin： 立法程序係必須通過二讀，先可以進入下一個「全體委員會審議」階段，逐個細節同政府捽，咁樣黨友郭家麒議員嘅捍衛專業自主嘅修正案先可以提出同討論。如果連二讀都過唔到，咁係連進取、有建設性嘅修正都無方法提出。
.
.
Q：咁公民黨支唔支持改革醫委會？
Alvin：支持，但必須要係一個更有民主成份、更能保護病人同醫生嘅改革，而唔係一個巧立名目嘅倒退。
郭家麒議員提出嘅修正案，係將由選舉產生嘅醫生委員由 7 名提高至11名，令到醫委會的組成更民主。對比政府將醫專小圈子提名的2個議席，當成選舉產生，假裝「16委任、16選舉」的方案，郭家麒議員嘅修正案係「14委任、18選舉」產生，係一個更有民主成份嘅進步革新。我哋公民黨係支持郭家麒議員修正案嘅真改革。

from 楊岳橋 facebook
https://www.facebook.com/AlvinYeungCP/