近幾年每逢有關「樂壇小強」阮民安（Tommy）嘅報道，絕大部份都係負面新聞，見親佢唔係喺演唱會後台黐出黐入，就係喺娛樂場所。
噚日有讀者提供一張Tommy喺澳門賭場嘅相，見到着住外套冚晒頭嘅Tommy仔，全神貫注咁搏殺，將佢同佢身邊位賭客嘅表情作比較，睇嚟Tommy仔嘅手風似乎唔係咁順，賭到臉青青冇晒表情咁，希望過一排唔會再傳出佢欠債。