牛頭角時昌大火踏入第四日，兩個消防英雄為香港人付出咗寶貴性命，同時間無數消防英雄日以繼夜工作。而火場附近居民（包括我）亦因為政府懶理，到而家都唔知有毒氣體所造成傷害，終日提心跳膽。所以嚟到第四日，我想以本區居民身分，屌柒一啲專登嚟睇熱鬧嘅人。

喺九龍灣站到三彩邨嘅一條橋，由於其中一段正正係對正火場。唔少記者都set晒機放喺度，但同時亦都聚集咗好多拎住手機或者長炮單反嘅市民喺度。有部分應該係本區居民，咁個火場影響住佢哋，停低關心可以理解。但雖然可以理解，不過由於條橋係主要通道，再加上啲煙有毒，喺屋企都吸夠啦，出到街就應該盡量避免啦。但我最嬲係有啲人專誠去睇救火，喂我屌你而家係消防員冒生命危險救火時刻，你當係咩呀，旅遊景點呀？Joan Cornella展呀？要唔要selfie埋打埋卡呀？另一班拎晒長短炮嘅龍友又係唔知做乜撚，你當去咗米埔自然保護區呀？以為自己上山影雲海呀？影一兩張好走咪阻住條路啦屌你，要唔要三五成群去影呀，我知你哋唔係攝記，返屋企啦屌你哋，阻住條路呀。

你知唔知村民係點諗，大家都幾日唔敢開窗，政府又唔搞疏散。有親戚嘅，有錢嘅就話避幾日，其他人瞓街咩，咪焗住喺屋企驚，有住近火場居民同我講，佢同佢隻狗仔因為煙幾日都瞓得好差，因為啲煙唔係話唔開窗就聞唔到，夜晚想去三彩果邊公園抖下氣又畀實Q趕。喂我哋就住到提心吊膽，你班仆街就嚟當參觀，會唔會涼薄咗啲呀？仲有班消防大哥，我呢幾日都見住佢哋做到就死咁，佢哋又近距離聞毒煙，仲要深入千度火場。你班仆街龍友仲要專登嚟影影影，影你老母咩。

長大啦，真係關心火災，留意新聞，唔使嚟睇live；想有啲貢獻，捐錢畀英雄遺孀夠架啦。尊重下消防員，尊重下居民，尊重下自己啦。



https://www.facebook.com/comeonjames97/photos/a.212034195604525.47970.199105603564051/727056397435633/?type=3&theater;