1. 不能任由火燒。消防職責係救火，唔係睇火。

2. 要有不同策略滅火，可能只在外圍、可能有需要入內。

3. 消防要保障市民財產生命，不能假設火場內沒有人。

－－－

我完全同意署長呢幾點。

我覺得呢個時候講責任、追究"邊個推邊個去死"唔係最好嘅時機。要講、要追究，但呢個時候，首要要阻止再有人傷亡，首先係要確保火勢受到控制、樓宇結構安全。

我只係想知道：

－場火究竟受唔受控制？
－場火幾時燒完？
－再燒落去或者燒幾耐會冧樓？
－附近空氣質素如何？有否危害健康？
－需唔需要疏散？

好覺得呢啲問題，任何正常人都想知，呢啲亦係政府應該話畀市民知嘅事。可惜，所謂PC，完全無人提、亦無記者問。我連少少有用嘅資訊都冇。

－－－

我唔識救火，唔會認叻。我唔知係進攻好、定係防守差。我淨係知道：實行策略，需要一種能力，叫"判斷力"。而消防作為專業隊伍，不論係喺下面選擇用乜策略同喺裏面執行策略，都要極高嘅判斷力（同體力）。一個錯誤決定－整體策略方向完全錯誤、又或是執行細節有遲疑，代價輕則受傷入醫、重則損失手足。

我相信消防署相關人士已經有一定嘅判斷力，起碼唔畀佢自己就咁燒－裏面可能有不知明嘅爆炸品，如果一爆，唔知爆幾大，到時你喺附近睇火，都會受波及。又如果唔派人攻入去，老早已經有更大鑊嘅時發生（例如大爆炸連附近嘅居民走唔切）。呢啲嘢，任何人都不能抹殺佢嘅可能性。

但事實沒有如果。無咗兩個消防員、兩個家庭受傷害，而家仲有好多人喺現場用緊自己條命去搏。過去嘅嘅策略並不是完美。

唔同去佔領、參加社運，我可以去參加出一份力。面對呢種情況，我同大家一樣，只係能夠乜都做唔到（sorry呢句有啲邏輯謬誤），然後坐喺電腦前狂屌狂鬧（同狂喊）。我只能夠講：救火嘅事，留畀消防，相信佢哋判斷力，相信佢哋可以做得到。成個消防署上下，都面對非常大嘅壓力、疲倦、擔心，大家想幫手，希望大家可以相信消防員同佢哋嘅判斷力。

係，只能相信。我實在冇更好嘅alternate。面望無力嘅情況，信念可能係最有力嘅武器。對唔住我越嚟越似佔領ＸＸ嘅戴教授，再寫落去就愛與和平......

sorry，成篇嘢1999。我心情真係好煩亂。

最後，雖然而家完全唔適合講笑.......不過我發覺，我每次去完歐洲，香港都總有大事發生（上次2014去西班牙返嚟過兩日就發佔領事件......）。為咗香港福祉，除咗689要死，我發誓，呢三四年都唔再去歐洲。

希望唔會再有人因為呢場火受傷。







https://www.facebook.com/relgitsjg.gjstigler?pnref=story