[HKU] 香港人真係 好 有 病 ！點解仲可以係尼個時候仲係度批評消防指揮得唔好？
.
話黎處長垃圾貓哭老鼠無入火場既唔該收皮，google下“黎文軒 嘉利大廈”就知黎局長係1996年更嚴重既嘉利大廈由新界東分區趕到現場，救火10幾粒鐘都冇落過樓，2011年花園街大火，係副處長嘅佢，都孭晒成副裝備入火場，你唔尊重自己把口，都俾返D尊重同感激俾尼個為我地出生入死左咁耐既消防員！
.
兩位消防員殉職消防局上上下下一定仲傷心，你估指揮無慎重諗過先落order？ 見到有人叫個指揮同署長入去救火先講野，又話由佢燒到冧，點解可以咁反智，一定要有人指揮先救到火架，但佢控制到火場環境咩？佢一定唔會送同袍去死囉，但係火就一定要救架嘛，記住佢地唔係救緊死物，係救緊附近既人呀，去過淘大就知工廈俾幾多住宅包圍住，等佢地繼續吸毒煙？燒到冧容乜易好似1972年港島西半咁連環冧樓？
.
有人話疏散，咁條露天地鐵軌點疏呀？開google map 睇下就知條露天軌有幾L近，係咪由得幢野冧落去呀！仲有好多標題黨唔睇新聞跟風9up，係咁問點解無人係入面都仲派人入去救，人地已經答左 好 多 次，因為倉內雜物太多，唔爆開滅火係有排燒，唔會熄，外面射水係唔會浸熄到D火，仲有唔知裏面情況，如果有危險品牽連甚大。
.
唔該唔好係尼個時候發表你既“專業意見”9up消防唔應該點點點，製造輿論壓力俾消防。
.
你係現場評估過？你入過火場？個度每一個人都入過，包括指揮，唔好忘記在場既每一個都係幫我地救緊火。
.
請你地相信香港消防既專業，而唔係係佢地為我地出生入死救火既時候隔住個mon係度鬧佢地做得唔好，以為自己變左做專家！睇留言真係睇到好火滾

https://www.facebook.com/schools.secrets/photos/a.182486231912800.1073741827.179264152235008/626214177540001/?type=3&theater;

哩篇講得幾好，前線消防鬧，冇問題，但係我哋啲行外人，不宜評論咁多
要屌就屌無疏散，無特別分析空氣質素，無回應市民，無呼籲人唔好食花生，仲要講風涼說話