大批消防員連日來無懼危險，多次勇闖仿如炎獄的火場去撲救長命火，換來的卻是兩名同袍殉職的悲傷結局。在消防員內部whatsapp群組內，不少心力交瘁的消防員都按捺不住，有人大罵高層指揮失當，對火場安全感到擔心，亦有人質疑部門為保聲譽逼同事入高溫火場，不禁問「有咩大過人命？」有同僚則為犧牲的好同事落淚，為遺孀而難過。

也有人怒斥上司不體諒下屬之苦及恐懼，因有前線消防直言火場危險「熱力好勁…每人做兩2分鐘就要出返嚟抖一抖，四樓溫度好高…幅牆已經裂曬，啲石屎爆左出嚟，其實真係有少少驚佢塌」有消防員則斥責在場指揮人員疑心急救火，竟催促裝備也未弄妥的前線同事要盡快入火場，致雙方發生爭執。消防群組內粗口橫飛，反映前線怨氣已到達極點。
消防處長黎文軒昨晚曾指自己亦有親入火場，但前線人員不領情，留言暗示處長體力不濟，在火場逗留很短時間就離開：「上到三樓，個五星(處長)已經扯曬哮（喘氣）…跟住個一粒全程扶住佢…臨尾開始爆倉門喇，一爆倉門入面好似火爐咁迫曬啲煙出嚟…5分鐘唔夠，佢(處長)一落到樓下，面青口唇白。」
昨晚消防隊目許志傑英勇殉識令鐵漢崩潰，有消防員哭著留言；「傑仔冇左喇...我而家...又冇咗個伙計喇...」有身處聯合醫院的消防員則指目擊許的太太在醫院哭喊不止、傷心欲絕，她背後更有一小孩哭喊：「爸爸！爸爸！」聞者心酸。
另一些消防員的心聲：
「個三粒真係推我地入火場，但咁我地啲兄弟都要裝備好我先（可以）入去㗎嘛係咪先，我裝備都未ｘ整好，你好ｘ趕時間你入去先啦係咪先？」
「我地裝備都未ｘ整好佢過黎又走來鬧ｘ我地：「喂你九龍灣泵叫左你地好ｘ耐喇，你地都唔肯入去呀？」
「阿虎（傷者）岩岩搓醒左，上左心切治療部，咁，另一個（許志傑），走左。」
「如果頭先果啲師兄講既野係無講大話既話，咁每人入得去兩分鍾都頂唔順出返黎，個火場溫度真係好高好高，根本就係唔適宜入去，如果兩分鍾都頂唔順就要出黎，入面真係好熱。」




http://hk.apple.nextmedia.com/realtime/breaking/20160624/55269556