話說我男朋友一向都研究開中醫經脈，我D經脈因為長期唔做運動又加上受寒，所以都塞得7788。
我男朋友好好心機，差唔多一星期都有3-4晚會黎我樓下club house一邊陪我一邊用塊刮痧板幫我通經脈，呢個情況都已經持續咗大半年有多。一直都相安無事。
由於club house 有唔少人溫書、自修、補習、玩電腦、睇戲......所以大家一直都好安靜 (除咗一D大叔講嘢大大聲)

直至今晚，我就連少少自由都要被個背心大叔干預。

今晚我同男朋友如常揀咗個corner 位，一邊睇書用一邊塊刮痧板幫我通經脈，一直都冇嘈冇影響到人，亦冇做D咩親密/越矩行為。
一個啡色背心嘅禿頭大叔本來坐距離我地好遠嘅位置，佢突然走個黎大大聲話我地 "呢度公眾地方呀! 要做就返屋企啦!"
我同佢講，我地好聲好氣同佢講"我地只係通經脈"
佢就繼續大大聲一路行一路講，我地冇再同佢理論/解釋，因為咁樣佢只會越黎越嘈然後影響到其他人。

之後佢就走去reception講完一輪，然後走返黎搬去第二個位。
無幾耐，佢個Friend(白色背心嘅禿頭大叔)游完水出咗黎，啡色背心大叔又開始發表偉論，
白色背心大叔講嘢好大聲，差唔多成個大廳都聽到。
佢回應啡色背心大叔 "你冇見過地鐵火車嘅後生咩，E家大把後生喺地鐵火車攬攬錫錫啦... E家年代唔同，你D思想同E家D後生唔同ga lah... 大家諗法唔同je...... "
之後啡色背心大叔就冇再發表偉論。

其實我唔明我地有咩問題，我地有我地靜靜地睇睇書通經脈，佢有佢睇報紙。點解明明河水不犯井水點解要干預我，仲要放佢自己喺道德高地?
因為佢係大叔所以佢就可以用佢嗰套去judge我?
我都想有自己嘅家有自己私人空間，但係我未有能力。
我只可以同我男朋友喺樓下club house渡過。
我地冇大大聲講粗口、喧嘩，亦冇攬攬錫錫愛撫呻吟，佢點解要一口咬定我地係做D唔見得光嘅嘢?
大家都係住客，喺club house 大廳只要安安靜靜唔騷擾到人，就有自由自己做自己嘢。

相比起喺地鐵火車攬攬錫錫，喺公園愛撫，我只係安靜地刮手同腳，冇任何色情行為，
但係點解我就連少少自由都要被個啡色背心嘅禿頭大叔干預