今日輪到ViuTV舉行第一屆《美選D.n.A.》 面試，據知ViuTV至本月22日截止前，每天都會有佳麗面試，今日（10日）則有大約20位進行面試，其中有三位現職模特兒出現，當中又以方敏婷（Natalie Fong）最為突出，Natalie為恒生管理學院英文系畢業生，其實學歷不俗，她之所以不參加港姐，因為無綫太傳統，她說：「我有收看ViuTV節目，覺得他們製作的節目很破格，我覺得傳統選美方式，未必見到我的優點，所以參加《美選D.n.A.》，至少我第一句台詞不需要說『司儀，你們好』。」

除了Natalie外，與她同屬同一模特兒公司的Charlotte Cheunge（沙律）亦是今日面試焦點，沙律是一位運動狂熱，在facebook經常上載自己做運動的照片。沙律在宅男心目中地位崇高，不論一舉一動,，宅男都會發文討論，今次女神去選美，一定有話題。


Charlotte 沙律為宅男女神，他facebook一舉一動宅男都相當留意。


（左）Natalie（右）沙律，為今日面試最搶鏡，二人連面書上載的照片都好接近。（facebook圖片）


左是沙律，右是恒管美少女，宅男一定認得。


（左）上年參加港姐的李美琪（牛雜妹），今日亦有到場，（右）名字叫大狗，曾為攝影記者，現為紋身師。大狗表示自己不是美女，但知道今次大會想打破框框，希望以身作則參加，呼籲女性做自己。


另一位參賽者Yohsi 余逸思為模特兒兼化妝師，亦跟常在Instagram上載跟男友合照。（余逸思Instagram圖片）


ViuTV選美條件較港姐有彈性，所以都吸引不少人參賽。

42歲Vannessa壓軸：仔仔8歲

ViuTV首個選美節目《美選D.n.A》今日進行首輪面試，大會標榜不限年齡不限界別，結果今日面試最後一名參賽者是42歲的Vannessa，問到她為何會參加？她表示自己是「貪得意」：「我覺得不限年齡和婚姻狀況，幾得意。」而她其後承認自己有小朋友：「我的仔仔今年8歲 。(屋企人好支持？)我做的任何事，家人都好支持。」


Vannessa表示家人很支持她參美。

http://www.hk01.com/娛樂/25409/ViuTV選美首面試-42歲Vannessa壓軸-仔仔8歲


歪面李若彤晒長腿
模特兒Jennifer目測小儀身高

今年大台同ViuTV「選美激戰」爆發，面對ViuTV實況選美節目《美選D.n.A.》來勢洶洶，請埋方力申、人夫郭偉亮同火火(李家榮)陪伴參賽者長期作戰，分魔鬼（Devil）與天使（Angel）為主題，由於ViuTV選美不限年齡、婚姻狀況同學歷，只要求參加者為香港永久居民。

今日（10號）進行第一輪面試約20人，是次候選人要分開interview，逐個面試，招募至6月22號，最後決賽會選20個人。


現年22歲嘅「歪面李若彤」Catherine任職模特兒，今午1點半左右到場，身形高高瘦瘦，晒出長腿。


23歲學生嘅Jennifer，兼職做模特兒，身高目測同DJ小儀差唔多高，佢都自言覺得今次佢個門檻低少少：「知道自己身高比較矮啲，希望呢邊可以多啲機會。」問到佢會唔會參選港姐，Jennifer直言：興趣不大!


Jennifer面試完，由於已簽保密協議，所以唔可以透露內容，問到佢需唔需要玩遊戲，或者行catwalk，佢就話唔使，只係普通傾偈，對自己都有信心，但係未知ViuTV會揀咩類型嘅人。

http://hk.apple.nextmedia.com/enews/realtime/20160610/55208985


現年24歲嘅 Charlotte任職model。

曾拍天堂鳥MV《What you want》嘅Charlotte，現年24歲任職model，佢話：「我叫Charlotte，可以叫我做沙律醬，朋友都一直有叫我參加選美，不過香港小姐選美壓力比較大，自己冇咩意慾，今次知道有呢個選美覺得幾有興趣，貼地啲、公平啲，係真嘅選美，唔係睇錢、睇學歷。」



而22歲嘅Natalie Fong剛喺恆生管理學院英文系畢業，佢就話：「朋友叫我嚟選嘅，覺得今次幾破格、幾創新。」問佢係唔係覺得港姐比較老土啲?Natalie笑住點頭：「我又唔係高材生，同埋今次係任務形式去玩，幾有趣，我都幾玩得，上山下海都冇問題，不過唔好叫我玩跳樓機，因為我有懼高。」

咁拍真人騷出賣朋友得唔得，Natalie就話：「都得，不過父母就唔出賣得，(咁出賣男朋友呢?)我要問下佢得唔得噃!」



現年23歲嘅Yoshi Yu，做咗半年full-time model及兼職化妝師，Yoshi就話曾幫Master card做硬照廣告，覺得呢個選美比較特別啲、真實啲，玩法又有啲唔同。

問佢覺得自己係「Angel」定係「Devil」?Yoshi講：「我睇過宣傳片，覺得自己係Angel，之但係性格有啲男仔頭，有可能係Devil，因為喺宣傳片「Devil」都係有紋身，我個腳踭都有一個細紋身。」咁男友知唔知你選美、有冇咩底線、叫埋男友出鏡?佢直言：「男友都知，健康性感就得，太性感就唔好，男友都可以出鏡，佢係健身教練嚟!」

http://hk.apple.nextmedia.com/enews/realtime/20160610/55209285

「細哨」金毛大狗選美：男友好支持我參加






現年25歲嘅金毛紋身師，向記者聲稱佢叫「大狗」，大狗曾喺《新報》副刊攝記，早前大狗參加過ViuTV另一個未播出街嘅求愛真人騷《脫「獨」工程》（暫名），講單身脫毒，但未開拍前，已搵到男友，所以放棄脫「獨」，之後ViuTV邀請佢參加實況選美真人騷《美選D.n.A》。

外貌有啲似「細哨」朗拿甸奴嘅大狗，自言畀人感覺好粗魯：「參加選美都幾有趣，自己身上都有成十幾個紋身，冇數過有幾多，男友都好支持我參加選美，當然『脫毒』嗰個就唔支持啦!」
問佢今日有咩準備，大狗直言：「冇㗎!帶個人嚟，冇話準備啲咩才藝表演。」ViuTV實況選美節目《美選D.n.A.》以魔鬼（Devil）與天使（Angel）為主題，相信佢都好大機會成為Devil!

http://hk.apple.nextmedia.com/enews/realtime/20160610/55209807






最後生嘅「候選佳麗」黃嘉儀僅19歲，係一名中學學生。

ViuTV實況選美節目《美選D.n.A.》今日舉行面試，招募到6月22日，是次節目不設年齡上限（16歲以上可報名）、不設婚姻限制、不設學歷限制，以魔鬼（Devil）與天使（Angel）為主題，今日一共有11個人面試。

最後生嘅「候選佳麗」黃嘉儀僅19歲，係一名中學學生，佢話今次參選想搵番信心同自重感，問佢平時係唔係好冇信心，佢就話：「唔係!不過想自己再好啲，今次參選都係自己決定。」


怕唔怕學校方面有問題，影響學業?佢就話：「會plan好啲個時間表，因為機會係留畀有準備嘅人。」


嘉儀仲話唔會退學嚟參選，總之睇情況，嚟選之前都有同學校訓導老師傾過，老師都好贊成，覺得年輕人應該試過多唔同嘅嘢，屋企人都好鼓勵，佢續言：「不過對我嘅實力就唔係好有信心，佢哋覺得人哋個女會好啲嘅。」之不過嘉儀對自己外貌及身材都好有信心。

http://hk.apple.nextmedia.com/enews/realtime/20160610/55210245