支聯會上星期六（6月4日）在維園舉辦六四燭光晚會，主題為「停止濫捕」。在接近8時左右，有支持香港獨立的人士上台，向支聯會表示不滿，遭大會糾察強行制伏，有被推在地上的示威者受皮外傷，亦有人被控阻差辦公。

支聯會義工暴力壓制　異議者多人受傷

當日衝上支聯會大台的獨派人士 Simon Sin，今日接受本台節目《大香港早晨》訪問時表示，當日他們帶同「香港獨立」及「Hong Kong is NOT China」旗幟到維園，一行十至二十人，向主張「建設民主中國」的支聯會表達不滿。Simon表示，他們當時希望在支聯會六四晚會的大台上叫咪，宣揚港獨意識。Simon憶述：「支聯會義工聯同黑警阻止上台嗌咪，我嗰時見到佢地受到制肘，我就發現有第二條路，成功衝左上台，嗌左兩句，路住就俾人（支聯會義工）壓左落地。」

「當時十幾個人（支聯會義工）圍住我，揮拳打落我條腰度，好大力搣我背脊，?我雙手，搞到我兩隻手都損晒。仲好大力咁鍊住我條頸。」Simon 坦言沒有預計支聯會會對他會使用這種程度的武力，幸好得到有心人拍得事發影片，並上載面書。

Simon 又目擊一位行動者被捕的經過：「當時有一位行動者被捕，因為佢唔肯向黑警出示身份證，被控阻差辦公。佢當時不知所措，因為黑警不斷恐嚇，若不出示身份證就會將佢拘捕，但在旁的支聯會義工已配合黑警將那位朋友壓落地下。」Simon 又指除了自己，尚有另外一至兩名行動者因為支聯會的暴力行為而受傷。

欲借支聯會大台　令港獨成國際議題

外界對衝擊支聯會大台的質疑其實不少，有意見認為六四晚會各有各做就好，動不動就拆人大台，「搞寸個Party」其實並不合適。Simon 回應指，他們的行動是因為他們認為有此必要：「每年都透過這個行禮如儀的邪神祭壇，去傳播有如愛滋病的大中華主義，變相成為一座維穩嘅機器。我地嘅立場就係統獨不兩立，我地認定呢班人係我地嘅敵人。所以我地想上台，希望拎到佢地支咪，去宣揚港獨意識，我地打算用香港民族主義，對抗佢地嘅大中華民主義。」

他坦言，依然出席維園六四集會群眾，其大中華的意識根深蒂固，但他們的目標不止於此，他們希望透過當日的行動將港獨的聲音帶到國際舞台。而當日行動其實廣受國際傳媒的關注，例如NHK、New York Times等均有報道。

暴力應對搶咪　支聯會醜態盡現

Simon 認為今次行動亦向群眾再一次展現了支聯會的惡行。他指出，支聯會和警察合作對付港獨派已非首次，例如一月聲援李波的遊行，港獨派亦有參與，可是港獨派卻被警察的鐵馬重重包圍，而支聯會的遊行隊伍卻可以輕鬆地繞過包圍港獨派的鐵欄，直達中聯辦的遊行終點。最終港獨派卻在一至兩個鐘後才能到達終點，Simon認為這種安排不合理，顯然是支聯會與警察合作之下的安排，以阻止港獨派發聲。

被問及日後的行動，Simon預期：「基本上我地係會繼續針對散布大中華主義（統派）嘅組織和政黨，支聯會其實就係統派組織嘅頭目，所以我地必定會針對。下年可能我地會係維園Book個足球場踢波，就係要搞寸佢個Party。我地下年就唔會咁少人，我地下次下次希望集合更加多嘅力量，去針對呢個邪神祭壇。」



http://www.passiontimes.hk/article/06-06-2016/30918